放大圖片

100吋投影HC3900開晒燈睇世界盃

本文重點

高亮度低噪音
畫面銳利流暢
畫質測試
機檔案

睇波，永遠都係愈多人睇愈開心熱鬧，更何況是四年一度的世界盃，但問題是一般家用投影機的亮度都偏低，要熄晒燈先睇得清楚。Mitsubishi最新DLP投影機HC3900的亮度就提升至3,000流明，就算開住燈睇都同樣亮麗清晰，加上內置0.65吋全高清DMD晶片及支援24p播放模式，無論睇波、煲碟或睇電視，影像都同樣細膩流暢。

就算約齊三五知己兼買晒啤酒零食，但如果個電視螢幕只有四十幾吋的話，一樣唔夠氣氛。好在HC3900只需最短3.1米的距離就能投影出100吋畫面，加上超細膩的全高清畫質，能簡單地將球場上的熱鬧氣氛帶返屋企。

遙控器輕巧就手，在菜單畫面內能獨立調校6種顏色（RGBCMY），就算遇上偏色碟都冇有怕。

遙控器輕巧就手，在菜單畫面內能獨立調校6種顏色（RGBCMY），就算遇上偏色碟都冇有怕。

此機相當輕巧，即使女性用家都能自行安裝上天花板。$28,800

高亮度低噪音

一般家用投影機的亮度都不會太高，大約800至1,000流明左右，用戶睇戲時需要熄晒燈及拉上窗簾，才維持到最高畫質。反觀HC3900採用高效能燈膽VLT-HC3800LP，配合新設計光圈，能阻擋由DMD晶片反射過來的多餘雜光，令亮度大幅度提升至3,000流明，着晒燈睇都咁清晰，而且燈膽的亮度雖高，但能運作5,000小時之久，相當耐用。通常燈膽亮度愈高，散發的熱力也愈多，需要使用強力風扇散熱，間接增加了運作噪音；反觀HC3900採用靜音風扇，令運作聲浪減至25dBA，等觀眾可以靜心欣賞。

鏡頭由4組13枚的鏡片組成，色彩還原度高，最短3.1米距離就能投影出100吋畫面。

鏡頭由4組13枚的鏡片組成，色彩還原度高，最短3.1米距離就能投影出100吋畫面。

鏡頭上設有變焦調校掣，能簡單地作1.5倍變焦。

散熱風扇設於機側，運作時相當寧靜，美中不足是稍為有點漏光。

畫面銳利流暢

DLP投影機需要透過內置色輪的高速轉動來營造色彩，部分入門機的色輪設計未夠完美，容易產生令人眼花的彩虹現象，故此HC3900就採用了新設計的5段色輪及BrilliantColour極致色彩技術，不但能完全趕絕彩虹效應，令到色彩層次更細膩，艷麗感倍升；配合色彩管理功能，用戶能獨立調校6種顏色（RGBCMY），就算播放的影碟稍為偏色，都能自行調校至最靚色彩。同時內置了10bit影像處理器，運算速度是傳統8bit機的4倍，難怪角色輪廓連半點起格都沒有，配合針對電影拍攝而設的24p播放模式，令播放BD碟時的動態畫面更加流暢自然。