$3,780

慳電省鏡 Sharp SH801UC

本文重點

電子墨水睇書照鏡
視角控制保障私隱
機檔案

Sharp（夏普）在中國發表的GSM版手機，款式和功能都和日系機相似，而且毋須卡貼，又可以上網，所以成為不少潮人搵「水貨」買。好似剛抵港的 SH801UC機面就有一個像電子墨水的憶鏡液晶顯示屏幕，毋須打開手機就可以睇電子書或照鏡，省電又實用。

日系機雖然又靚又好玩，但一說到中文支援及流動數據功能，就始終有點輸蝕。Sharp SH801UC外觀和去年夏季推出的934SH類似，支援3G高速上網，而且有簡體中文介面及輸入，明顯是針對中國市場而設。

字鍵清晰易按，相機及視角控制鍵都設於數字鍵下方。

位於機側的卡槽，支援最高8GB microSD記憶卡。

配備500萬像素鏡頭，兼備人面對焦、場景模式等功能。

電子墨水睇書照鏡

現時電子書的主屏幕一般都是使用電子墨水，慳電又睇得舒服。SH801UC的外屏幕採用名為「Mimory憶鏡液晶」的顯示器，單色顯示最適合用來睇書。這款Mimory屏幕的好處是省電，所以就算在合上機蓋後繼續長開，亦不會縮短備用時間。它設有一個簡化版的功能選單，可以利用手機觀看電子書、瀏覽行事曆及定期更新的天氣和星座運程等。除了電子書外，還可當鏡子用，啟動後屏幕底色會變黑，突出鏡面效果，女性用家補妝必備。

啟動視角控制後，當手機稍作傾斜，畫面就會被圖案遮住。

備有「空中應用」平台，可供用家下載應用程式。

媒體播放整合了手機的所有多媒體功能。

視角控制保障私隱

說到Sharp手機，很多人的印象都是「芒靚、影相正」，但有時這些高質素的屏幕反而會引來不便，原因是它們的可視角度太高，在車上打短訊時好容易畀其他乘客睇到。SH801UC備有「視角控制」功能，用家可以將屏幕底色變淺、變深或蒙上一層圖案或動畫，從稍斜角度觀看，已無法睇清楚畫面內容，有效保障用家私隱。

瀏覽器可以顯示繁體中文，而且速度快，可惜只得簡體中文介面和輸入。	待機畫面會在手機合上後長開，不過Mimory屏幕夠慳電，又不太影響備用時間。	外屏支援9項功能，包括行事曆、音樂播放器、電子書及「鏡子」。
睇電子書時黑白分明，夠晒清楚。