放大圖片

《Metal Gear Solid Peace Walker》塵封PSP迎蛇叔

本文重點

合作環增強力量
接任務搞旺基地
機檔案
PSP限定版迷彩套裝現身
《MGS》之父再臨香港

連《Fami通》都能夠打得出40分滿分，足證Konami王牌PSP新作《Metal Gear Solid Peace Walker》幾有來頭。今集《MGS PW》除咗有《MGS》系列一貫以來嘅出色動作以及幽默感外，仲追加育成玩法兼多人連線合作模式，單機開打或者同朋友一齊組隊行動都好有新鮮感，「芒亨」後冇再點用過嘅PSP，都係時候出土迎接蛇叔啦！

遊戲故事背景設定在《MGS3》10年後，即1974年嘅南美洲，講述Naked Snake成立無國界部隊幫助哥斯達黎加抵抗神秘勢力，基本上靠玩家出色的身手及武器運用來潛入敵陣，有需要時更會正面跟敵軍駁火。

今集加入育成元素，可在Mother Base內訓練出強大軍隊。

遊戲內可運用到多款武器。

雖然有些任務可以單打獨鬥，但互相幫助先至係王道。

合作環增強力量

說到遊戲畫面跟操作，PSP版《MGS PW》比不上另一隻《Fami通》滿分作─PS3《MGS4》，但勝在開發小組肯動腦筋，加入系列未曾有過嘅連線合作玩法，最多可6人Ad Hoc連線完成任務。當進行合作任務時，玩家只要走進隊員間嘅黃色「合作環」，就可以發動合作狀態，分享到大家嘅體力同武器；人數愈多，合作環就愈大，威力自然愈強。

遊戲不乏《MGS》系列嘅幽默場面，可以匿在紙箱中避開敵人耳目。

身處合作環範圍內，仲可以為瀕死嘅同伴急救。

多人任務時會出現黃色嘅合作環，環內嘅隊友可以共享體力、氣力及各款武器。

接任務搞旺基地

《MGS PW》另一新玩法係加入育成元素，畀玩家經營大蛇叔設在海上嘅Mother Base基地。遊戲中打低敵人後，唔使殺死對方，而係爆笑地利用氫氣球將俘虜嘅士兵送返自己基地，成為僱傭兵，之後可以派遣佢哋參與不同任務賺取金錢及經驗值，用作開發強大火力武器，提升戰鬥力。除咗可將被俘士兵送返基地外，亦可以將裝甲車、戰車、武裝直升機等敵方兵器，以同樣方法傳送返基地研發新技術。不過講到底要支付Mother Base嘅運作都唔容易，要接多啲Job先可以壯大無國界部隊。