上星期約咗移居台灣嘅同學Carrie飲茶，佢好鬼Sweet咁送咗台灣依家至Hit嘅無患子產品畀我，咩嚟o架？
好彩我都唔太「背」，曾經响一啲專賣有機物品嘅店舖見過細細粒啡色嘅無患子，驟眼睇仲以為係龍眼核，其實佢真身係無患樹嘅果實。無患子果皮含有皂素，只要用水搓吓就會產生泡沫，古時未發明清潔劑前，啲人都係用無患子嚟洗衫、沖涼同洗頭，從其英文名Soapberry就可見一斑。喺台灣有生產商睇準其特性，利用無患子並配合檜木、生薑、何首烏、茶樹精油、抹草、玫瑰精油等，製成多款清潔同護膚品，由於成分天然，不損膚質，响台灣掀起咗一陣熱潮。Carrie話依家連香港嘅百貨公司、個人用品護理店、有機用品店都有相關產品賣，咁我一於做白老鼠，試吓新嘢先！
深層磨沙
以無患子萃取液、玫瑰精油、薰衣草精油、海鹽等為主要成分嘅無患子植物香體磨砂霜，有效深入腋下毛孔，將「加拿大」積聚嘅油脂粒溶解，去體味最強！
前）家庭裝 $148
後）輕便裝 原價$78
特價$69（買一送一）
頭髮動L
無患子皂液本身能改善頭屑、脫髮、痕癢等問題，添加咗生薑精萃嘅洗髮精能促進血液循環，鞏固髮根；至於何首烏就唔使多講，據講兩者配合使用，頭髮動L靚晒！
生薑洗髮精$78
何首烏洗髮精$78
潔淨身體
如果你有主婦手、香港腳問題，加入咗天然檜木同茶樹精華嘅無患子檜木茶樹精油泡足液，可紓緩足部疲勞，仲可以清除異味，緩減痕癢。至於無患子抹草泡澡精油，抹草有效紓緩皮膚問題，連女性最私密嘅衞生問題都有幫助，敏感性皮膚嘅姊妹有救啦！
泡足液 $18
抹草泡澡精油 $78
查詢：3106 3722
清潔珠寶都掂
除咗現成嘅無患子產品，你仲可以用無患子嚟清潔珠寶添！先將數粒無患子於水中浸泡，之後將珠寶浸於水中，再用乾布輕輕擦乾就掂。平日大家都可以用無患子浸過嘅水洗衫、浸浴、抹屋，最好就係佢會自然分解，夠晒Environmental Friendly。
中醫學點睇？
講到無患子咁神奇，我都請教吓中大中醫學院臨床導師林冠傑，佢話响中醫學角度，無患子嘅葉、樹皮、果皮、果實同根都有藥用價值，主要紓緩喉嚨不適症狀，而果實就更厲害，據《本草綱目》指無患子可清積驅蟲、辟走口臭與難聞氣味；至於樹皮就適合外用，具消腫作用。
5月連場着數！
自問係「MK系」，成日都會去朗豪坊，原來佢哋為咗慶祝開業5周年，响5月會推出連串以「5」為主題嘅着數；於5月1日至31日期間同日消費滿$500，除可成為「朗豪坊LP卡」會員，永久享用場內嘅消費優惠，儲積分每月換領唔同禮品外，同時可參加大獎賞，只要答一條簡單問題即有機會得到「第55,555名」LP卡幸運會籍兼贏取終極大獎，獎品包括戲院全年通行證，以及優先換領每月獎賞，嘩！真係好着數喎！
查詢：3514 9021
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝