人總是貪心的，買電腦既要輕薄，又要高效兼長氣，那麼Acer新近推出的Timeline X新系列筆記簿電腦，就一次過滿足晒所有要求。在1吋超薄機身內注入Core i5處理器和Radeon獨立顯示，帶出街玩足8個小時，莫講話睇高清片，即使打Online遊戲都應付自如。

去年面世的Timeline筆記簿電腦，以1吋超薄機身兼具備8小時電量令人激賞，不過CULV慳電型處理器速度始終較慢，因此Acer為第2代Timeline X注入Core i5高效能處理器，利用Turbo Boost智能超頻技術加速，最平六千幾有交易，確實吸引。

朱古力鍵盤上方隱藏了Dolby Home Theater喇叭，出街睇片都可享受環迴立體音效。

機面只有一粒開關掣和Program快捷鍵，按下去會透出淡淡藍光，更顯型格。

升級Core i5高清顯示

對只有一吋咁薄的Timeline X來說，要做到高效能兼使用時間長並唔容易，皆因換粒快CPU又怕耗電熱量高、用上厚電池又怕增加機身負擔。為了在效能與續航力之間取得平衡，Timeline X特別採用新一代Core i5-430M處理器，配以LED省電屏幕和鋁合金碳鋼紋機身，令使用時間維持在8個小時以上。最驚喜是在Intel內置顯示外，還可選擇ATI Mobility Radeon高階顯示卡，效能隨時勁過桌面電腦。

有齊USB、VGA、Audio和HDMI等輸出插頭，返到屋企便可連接大電視睇片。	配備6-Cell鋰電池容量高達6,000mAh，比一般電池更耐用，大約可捱到8小時以上。	鋁合金碳鋼紋機身，厚度只有一毫子直徑咁薄，僅1.8kg，以13.3吋薄機來說，算是輕巧。

預載多媒體備份工具

雖說是超薄設計，但周邊配置一啲都唔弱，讀卡器、視像鏡頭和HDMI高清輸出全部有齊，連喇叭都加入Dolby Home Theater環迴立體音效，落足料打造新系列機款。而軟件方面，跟機除了《Arcade Deluxe》多媒體娛樂中心，隨時上網分享靚相、影片和音樂外，還新增《Backup Manager》工具，只需預設時間便可為重要檔案定時備份，自然用得更安心。

除《Acrade Deluxe》多媒體軟件，還加入《Backup Manager》讓電腦自動備份重要檔案。

視帝柴九話平日趕戲連踩十幾粒鐘，有部Timeline X就方便佢在片場上網。

Aspire系列全線升呢

至於Acer一貫的Aspire筆記簿電腦，亦隨着Intel新處理器面世而全線升呢，由11.6吋輕巧系列到15.6吋影音系列均有新型號可供選擇，較矚目的有採用Tablet設計的Aspire AS1825PTZ，配備CULV雙核心處理器及多點觸控屏幕，迎合篤芒浪潮；就算旗艦級15.6吋Aspire AS5745G，內置Core i5處理器、GeForce 330M獨立顯示和Blu-ray光碟機，都只係八千元左右，夠晒抵玩。

15.6吋的Aspire AS5745G走流動影院路線，內置GeForce 330M顯示及Blu-ray光碟機，打機睇片一流。$7,998	Aspire AS1825PTZ採用11.6吋多點觸控扭芒，配以CULV SU4100省電處理器主攻Tablet巿場。$5,998	放大圖片

查詢：2564 9200