日本時裝界踏入春夏，再次掀起一片「花海」。今年寫真大玩少女「萌樣」的裴殷（A.Lin）與盧頌之（DaDa）也要湊花潮！

八模兵團成員A.Lin與DaDa，今年以組合形式再投入寫真戰，大玩清純「萌樣」，誓冧爆宅男Fans，A.Lin還率先透露寫真造型：「今年我哋本寫真計劃喺日本取景，服飾方面走青春同可愛等路線，今季大熱嘅碎花圖案正正係寫真造型之一。每年春夏好多日本牌子都推出碎花Print，充滿少女味啱晒我哋！我最鍾意V領嘅One-Piece碎花裙，入面配襯潔白色喱士底裙，若隱若現流露少少性感。」

雙面紫色碎花外套 $999 淺粉紅色蝴蝶短Tee $399 短牛仔褲 $699	on A.Lin 白色針織外套$699 黑色碎花連身長裙$1,799 on DaDa Lo 淺啡色背心外套$699 粉色碎花連身長裙$1,299	草帽 $499 淺牛仔褲 $899 啡色短Boot $1,299 粉色碎花連身裙 $599 啡色粗 Belt $399
淺牛仔外套$1,299 粉紅碎花連身裙$799

配牛仔褸一絕

至於性格較硬朗的DaDa表示，碎花可襯出她帶點Boylish的打扮：「雖然碎花畀人感覺好女仔，但今年同樣大熱嘅牛仔褸簡直係碎花裙嘅好拍檔。質料比較硬身嘅牛仔褸襯輕薄嘅碎花裙，效果少女得嚟又唔會太『女仔』，配合牛仔短Boot，感覺已經好唔同！」

橙色碎花圍巾 $499

粉藍色碎花手袋 $999

小心變「花師奶」

「日本達人」鄭家輝表示，每年春夏都會看到碎花圖案，尤其是日本，最重要是留意配合潮流襯法。他又指碎花Print「蝦人着」，一失手就很容易變「花師奶」：「碎花點都唔可以襯80年代嘅衫，例如螢光色衫同不規則圖案。今年好興輕身質地嘅碎花裙，顏色最好係粉色系，可惜呢種襯法好易令人着得肥，只適合少女同較纖瘦嘅女仔。不過，各位成熟女士今季有好消息，除咗可以用花花飾物如披肩或手袋湊熱鬧外，由於淺色牛仔服都係大熱，中女可以着硬身嘅牛仔褸襯碎花長裙，最緊要碎花係着喺入面就可以。」