等了多年，歐美熱爆的配飾專門店Accessorize終於在今季登陸香港，並先後於九龍塘又一城及中環ifc mall開設專門店。品牌原本屬英國服裝品牌Monsoon的配飾部，但由於太受歡迎，創辦人Peter Simon於1984年決定將此部門獨立開店，成為今日的Accessorize，英國著名時裝設計師Matthew Williamson早年亦曾擔任品牌時裝設計師。現時品牌於全球55個國家開設多達一千間專門店，在英國倫敦旺區，隔幾條街就有一間，非常犀利。

主攻民族配飾

雖然是英國品牌，但其設計走熱帶民族路線，有多款色彩繽紛的民族頸鏈、手鏈、頭飾、繡花手袋同人字拖等，更有少量沙灘服飾、內衣及泳衣。配飾幾十元起就有交易，大型頸鏈約二百多元，手鏈及手鈪不少更以一套多件發售，價錢都是百多元，非常吸引。

草帽$280 木手鈪$70 幼手鈪$100-$170 /套 珠仔手鏈$170 /條 彩色花戒指$200 啡色圓環大頸鏈$225 彩色長吊墜頸鏈$170 彩色繡花手袋$350	雀仔耳環$112	彩色珠仔耳環$170
青藍色扇形耳環$100	彩色圓環頸鏈$225	彩色羽毛頭箍$170
米白色藤織蝴蝶結及羽毛頭飾$420	彩色珠仔頸鏈$200

查詢：3104 1190