本文重點
對於小朋友而言，精靈可愛的兔仔是復活節Icon，作為廿四孝父母，想哄小朋友開心話都冇咁易，一於買來滿屋復活兔，陪小朋友度過愉快的復活節假期啦！
無論有否宗教信仰，復活節都是一個開心節日，究竟深得小朋友歡心的兔仔跟復活節有甚麼關係呢？據說因為兔仔繁殖能力高，象徵豐富的生命力，所以成為了復活節的代表。
坊間兔仔精品多不勝數，今次為豆丁搜羅日系的大熱卡通人物Melody及Kuromi、本地薑Bunny King，以及英國老大哥Peter Rabbit等，由出街隨身物到家品，應有盡有，小朋友一定鍾意！
名人假期活動
郭錦恩
玩Egg Hunting
「今年一家人會去上海旅行，畀小朋友多啲接觸中國文化。我都會買定復活蛋，到時同佢哋玩Egg Hunting（獵蛋遊戲），呢個係我哋家族傳統，去到邊都要玩㗎！」
楊羚 同囡囡整蛋蛋
「早就買齊朱古力同模具，於假期同囡囡一齊整朱古力蛋，簡單又開心。囡囡冇太多要求，放假去吓公園、踩單車已經好滿足。」