復活節假期撞正兒童節，好似專為一班細路度身而設，一於為他們安排些豐富節目，歡度佳節。小記就精選了兩個節目，既有主題卡通自助餐、D.I.Y曲奇製作班，還有專業導師教畫Art Jam，有得食又有得玩，包保小朋友開心到跳起。

任由小朋友的思想幾咁人細鬼大，他們仍是難抵卡通人物的魔力。超級人氣漫畫《我的低能之道》內的主角「留馬仔」及「小圓山」今年首次同天際萬豪酒店Crossover，以「我的低能復活節」為題，現身酒店每一個角落。

凍食海鮮有原隻龍蝦、翡翠螺、雪蟹腳、阿拉斯加長腳蟹、生蠔等多款選擇。	印籍廚師將即席炮製傳統印度烤餅，必試推介有果阿咖喱魚及咖喱燉羊肉。	放大圖片

留馬仔陪過節

今次兩位主角均變身酒店廚師及服務員，在咖啡廳的自助餐區域恭候大家，配合多款中西日美食、每日駐場的泰籍和印度廚師炮製的家鄉風味菜式，以及以「留馬仔」為主題的甜品Counter，包保大家食到舔舔脷。此外，宴會廳亦會以「留馬仔夢遊仙境」為題作布置，讓小朋友一齊玩餐飽。至於重頭戲是由「留馬仔」開辦的烹飪班，作者馬仔會親臨現場，跟大家一齊學整巨型Cup Cake及「留馬仔」曲奇相架。

自製曲奇相架 甜品師傅會預先焗好曲奇餅底，再準備一大堆色彩繽紛的糖果朱古力，讓小朋友用來裝飾曲奇相架。

放大圖片

「我的低能復活節」自助晚餐

放大圖片	山楂蜜糖骨 肥瘦適中的排骨，香嫩軟滑，味道則酸酸甜甜，夠晒開胃，大人細路都愛吃。	繽紛啫喱杯 以多款新鮮生果配搭自家製果味啫喱，賣相繽紛吸引，小朋友一定爭住食。

價錢： $298/成人、$198/小童（自助午餐）

$438/成人、$268/小童（自助晚餐）

日期： 即日起至4月5日

時間： （自助餐）12:00nn-2:30pm；6:00pm-10:30pm

（烹飪班）3:00pm-4:00pm（第一節）；4:00pm-5:00pm（第二節）

查詢：3969 2500

畢加索上身齊齊學Art Jam

皇家太平洋酒店柏景餐廳的「復活美饌奇趣Fun」，讓小朋友齊齊變身畢加索，學習近期最流行的Art Jam美術，由專業導師教授，齊齊做個小畫家。而酒店的宴會廳亦會布置成兒童王國，以「齊來做個藝術家」為主題，大家除可在此製作復活蛋、跟小丑一齊扭氣球、和老友記玩Wii一決高下外，還有自助小食、甜品和果飲無限量供應。

「復活節美饌奇趣Fun」自助餐

價錢：$218/成人、$158/小童

日期：4月4日

時間：12:00nn-2:30pm

備註︰凡惠顧柏景餐廳的自助午餐，每人另加$120便可享有一次Art Jam，於2:30pm-4:30pm舉行，費用已包括所有材料。

「齊來做個藝術家」主題派對

價錢︰$220/成人、$90/小童（4月4日）

$220/成人、$180/小童（4月5至6日）

日期︰即日至4月6日

時間︰1:00pm-4:00pm

查詢：2738 2322