早幾日沙塵暴襲港，吸吸埋埋咁多灰塵，要煲啖靚湯補吓個肺！

我個Friend、妍肌堂註冊中醫師彭明慧話，長期吸入有害粉塵响肺內沉積，會引起慢性支氣管炎、肺氣腫同埋肺功能障礙。沙塵暴有大量懸浮顆粒物，尤其係低於兩微米嘅細小顆粒，容易被人體吸入呼吸道深處，所以沙塵暴對肺部嘅危害都幾嚴重㗎！吸入肺內嘅塵粒增加，一旦超過肺本身嘅清除能力，就會沉積於胸腔內，導致肺及胸膜病變，引起支氣管炎、肺炎、肺氣腫等疾病。响一般情況下，人體嘅鼻腔和肺等器官對塵埃有一定過濾作用，但沙塵暴呢種劇烈天氣現象帶嚟嘅細微粉塵過多過密，極有可能令患有呼吸系統疾病嘅人舊病復發或病情加重。此外，沙塵暴仲可能引起眼部痕癢、流淚或結膜炎、流涕、鼻塞等刺激症狀和過敏反應、喉嚨咽癢、喉痛。

中醫認為肺响體內負責呼吸，於體外則與皮膚毛髮為合。每有外邪侵襲人體，首當其衝就係肺，治肺可分為清肺、養肺、潤肺；沙塵暴對肺部嘅影響係塵埃囤積，咳嗽痰多、咽癢喉痛，屬肺熱型咳嗽，所以宜「清肺」。

清肺去痰湯

材料：川貝15g、花旗參片12g、雪梨4個、銀耳2小球、百合15g、白蘿蔔360g、瘦肉300g

做法：將材料（花旗參片除外）加入4公升水煲2小時後，加入花旗參片再煲15分鐘。

清燥救肺瘦肉湯

材料：沙參15g、桑葉15g、枇杷葉15g、百合15g、麥冬30g、杏仁15g、桑白皮12g、瘦肉300g

做法：除瘦肉外，其餘材料加入4公升水浸20分鐘，以大火煲滾後加入瘦肉，之後轉中細火煲2小時。

健肺食材

食物如楊桃、雪梨、黑木耳、白蘿蔔、羅漢果、豬肺、百合、玉竹、薏仁等同樣有強健肺部功效。原來中醫學有「五味」之說：肺味屬辛辣，肝味屬酸；肺氣太盛可剋肝氣，故能以多酸嚟強化肝。即係一方面少食辛辣食物，另一方面可多吃酸物，就能刺激人體內分泌更多津液，從而達到減燥潤肺嘅目的！

叻太醒你：婦科檢查優惠

女人到咗咁上下年紀，就要做吓婦科檢查，預防勝於治療嘛！仁安醫院由即日至5月31日，推出一系列婦女健康檢查優惠，當中包括女士最關注嘅乳房檢查套餐、專為更年期女士而設嘅健康檢查，以及最全面嘅「至尊婦女健康檢查計劃」，折扣優惠低至八八折，名額500名咋！

優惠詳情

基本計劃（C）：優惠價$1,755（原價$1,950）

更年期計劃：優惠價$2,430（原價$2,700）

優越計劃：優惠價$3,700（原價$3,330）

查詢：2608 3170

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝