今日係元宵佳節，祝各位有情人甜甜蜜蜜！除咗去綵燈會、猜燈謎，食湯圓當然係指定動作啦！
湯圓美味，之不過食還食，都要注意吓熱量，所以我預先打電話畀相熟嘅註冊營養師何智衡（Douglas），問吓佢唔同餡料嘅湯圓，熱量會有幾大分別，我仲八咗點樣可以食得健康啲，同埋用咩方法消滯，依家就即刻過啲料畀大家，希望大家團團圓圓啦！
攝：Fanny（部分）
鳴謝：註冊營養師何智衡
進食小貼士：
雖然湯圓嘅卡路里唔算好高，不過Douglas提醒各位，由於湯圓油脂含量平均約1.5至2.5茶匙，飽和脂肪酸含量達美國心臟學會每日建議限制量嘅30至40％，而部分湯圓嘅反式脂肪酸更高出其限制量，所以有心血管疾病風險嘅人士，建議每周食用勿超過兩次。此外，正餐宜少食半碗飯、多加青菜分量，餐後就可搭配兩顆湯圓啦。
妙法消滯
食完湯圓有啲滯滯哋？Douglas建議可飲用綠茶如香片，因其含茶多酚可增加胃酸分泌，幫助消化；而柑橘類水果含豐富維他命，提供製造消化液所需，從而強化消化功能。此外，避免飲奶類及有氣飲品，以免產生更多氣體而加重胃脹感覺。
高跟鞋競跑大賽
我偶像Madonna嘅經典金句：「只要畀我一對高跟鞋，我就能征服世界！」可見高踭鞋之於女士之神聖。荷里活廣場舉辦高跟鞋賽跑，將呢項歐洲傳統引入香港，响三八婦女節向女士致敬！比賽分為個人組及情侶組，參加情侶組嘅男士可以體會着高跟鞋嘅難度，問你哋啲男人仲夠唔夠膽睇小女友！
「高跟鞋競跑大賽」
日 期：3月7日
時 間：1:00pm
地 點：鑽石山荷里活廣場一樓
詳 情：賽道全長25米，參加者須自備及穿着不少於2英寸（5厘米）嘅高跟鞋比賽
報名及查詢：www.plazahollywood.com.hk
截止報名日期：3月2日
正月十五元宵佳節，梗係食湯圓啦！
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝