年三十晚食湯圓，是中國傳統習俗，皆因其圓碌碌的外形，令人想起團圓、圓滿等好兆頭。今年不如搞搞新意思，取同是圓碌碌的食物代之！煎堆、糖不甩、蛋糕統統都係飽滿圓渾，今晚食「圓」佢，給牛年一個圓滿結束，迎接虎年好開始！

講到圓形食物，你會想起甚麼？藝人們就各有諗頭，有的想起煎堆、有的選糖不甩、有的揀了麵包……加上中式的賀年蒸糕；日式的米糍、糰子；西式的比高包（Bagel）等等，美味選擇水蛇春咁長，睇你今晚食唔食得「圓」！

陳智燊︰雖然在外國長大，但我都聽人講過︰『煎堆碌碌、金銀滿屋』，可見它是好意頭中國小食！」

陳智燊	煎堆王 $34（頂點）（a）旺角翠園」推出的煎堆王，大如籃球，直徑足有10吋。師傅以糯米、糖和爆谷搓成粉糰後放進滾油中，再不停上下滾動粉糰至發脹成球狀，出品外皮薄能透光，口感如薯片般鬆脆，香口但不油膩。

郭穎橋︰今年的年初一咁啱係情人節，我認為拍緊拖的朋友食糖不甩就最啱，煙煙韌韌、甜甜蜜蜜，日日黏到實一實。」

郭穎橋

成峻

成峻︰我第一時間想起圓形麵包，根據字面解釋可衍生成精神飽滿，荷包賺到盆滿缽滿，幾好意頭呀！」

水虎傳 $10.5（c）BreadTalk」特別為虎年推出的老虎頭麵包，三個圓形組成的趣致小虎頭內，是白豆沙朱古力餡，絕對是人見人愛！	糰子 $14/串（h）日本糰子傳統多配紅豆蓉品嘗，「夢見屋」最近卻新推出了多種新口味，於糰子上唧上士多啤梨、杧果、藍莓、綠茶等果肉及慕絲，跟偏硬有嚼勁的糰子，形成兩種極端口感。	Mochi $14-$15/粒（e）日本過江龍「Mochi Cream」的Mochi共有逾20多種口味，包括紅豆、綠茶枝豆、櫻花、紅莓蜜糖等味。糯米皮夠軟身，內餡香滑Creamy，購買後放置五分鐘，待稍為解凍再吃，口感最讚！
Great Canadian Breakfast $37（g）於北美極流行的Bagel，樣子像冬甩，口感較硬實。「Yo Bago」提供多款鹹甜Bagel包及餡料供食客自由搭配，這款則有雞蛋、煙火腿及煙肉。	鮑魚瑤柱蘿蔔糕 $188（f）「鴻星」首創的矜貴蘿蔔糕，糕面鋪上原隻26頭南非鮑魚再蒸煮，讓鮑魚的鮮味完全滲於糕中，矜貴又應節。	年輪蛋糕 $36/小（d）源自德國，在當地人眼中有祝福之意，是節慶必備之食物。在香港只有「森之卷」能買到即製的年輪蛋糕，選用了花蜜、楓糖、麥芽糖等多種天然糖炮製，甜味甚有層次。

查詢︰（a）2628 9668 （b）2866 6380（c）2156 9220（d）3541 9576（e）2831 3946 （f）2628 0080 （g）2561 7700 （h）2739 4283