自流感爆發後，人人學識用1:99消毒水清潔家居，可惜我們經常接觸的電腦或相機等數碼產品，最忌就係濕水，想趁年廿八洗邋遢，去污除垢都不知從何入手。一於請教做咗十幾年相機及筆記簿電腦維修的師傅輩邦哥和Jacky，睇吓行內有乜推介，齊齊為數碼產品趕走霉氣迎虎年。

依家買機通常都會送保護貼畀用家，但機身鏡頭用得耐，裏面少不免會積塵甚至發霉，真係點抹都抹唔走，拎上廠拆機整一整又收過千元，未過農曆年荷包經已大出血，以下小記便搜羅了一些清潔貼士給大家參考。

相機鏡頭 先吹塵再抹漬

聖誕新年旅行旺季後，相機維修中心的邦哥都話生意特別多，其實如果唔小心喺鏡片印到指紋或沾上塵埃，基本用吹氣泵Pump幾吓，再用抹鏡筆（Lenspen）輕輕打圈清理就搞掂，遇上頑固污漬則可用Tissue Paper加兩滴「Kodak水」打圈抹走，正常一抹完便會揮發，唔會留下水漬。

保潔麗（PRO CLEAN）每盒備有十二張預先浸有清潔劑的Tissue Paper，用完即棄。$25（a）	巿面備有多款吹氣泵，有些甚至仲連埋清潔劑和鏡頭布。$40 - $70（a）	抹鏡筆可用來掃走機身或鏡面塵埃。各$70（a）

流動裝置 軟膠吸塵殺菌

電腦積塵的情況比相機更加嚴重，尤其是鍵盤隙、散熱扇等位置嘅「萬年塵」隨時成吋厚。專業手提電腦維修站的Jacky就建議鍵盤和顯示屏可使用專用清潔套裝，甚至用泵或吸塵機整走塵埃。要消毒的話，近期有款Cyber Clean神奇清潔軟膠，能沾走塵埃分解之餘，還有殺菌和辟味功能，抹手機、汽車音響等一樣掂。

巿面有不同牌子的LCD清潔劑，有些附送軟掃、毛巾等。各$29（c）

Cyber Clean神奇清潔軟膠採用專利配方，殺菌之餘還會自動分解塵埃。 $24.9 （75g包裝） $39.9 （140g杯裝） $99.9 （500g桶裝）（d）

拆機抹塵三百搞掂

專業手提電腦維修站Jacky 拎部筆記簿電腦去高登搵Jacky清潔，由拆機清潔散熱扇至掃走主機板塵埃等，大約三百元搞掂，另備有換芒、轉Keyboard和光碟機等服務，多數幾百元有交易。（e）

筆記簿電腦用得耐，散熱位容易積聚塵埃，令風扇發出「呼呼聲」兼影響散熱效能，需要拆開來清理。

清潔鏡頭搵專家代勞

相機維修中心邦哥 若果霉菌和塵粒沾在鏡筒裏面，便需要由專家拆開清潔，邦哥舉例說一支28-70mm鏡頭要拆開抹的話收$350，需要換鏡組的話則要。約$950（a）	Photographic Solutions清潔套裝包括Sensor Swab抹棒、E2 Fluid清潔劑等。$198（b）	Kodak Lens Cleaner（俗稱Kodak水）雖然每瓶得37ml，但每次只需一兩滴，很耐用。$55（b）

查詢：（a）2366 3002、（b）2396 6885、（c）2304 3747、（d）2433 1828、（e）2121 0246