年廿八，狗狗都要洗邋遢！有寵物店除了特別為狗狗提供碌柚葉Spa外，仲可以敷泥Mask，即時令狗狗毛髮柔軟具光澤，之後主人們還可以帶愛犬去駁髮，創出獨一無二的賀年Look！

扮靚有辦「髮」，難怪愈來愈多貪靚主人與狗狗，統統爭住要「駁一駁」！所謂駁髮，其實是將七彩斑斕的髮飾，諸如繡花線、羽毛、膠珠仔、皮繩等繫在狗仔的毛髮上，要幾搶眼有幾搶眼。

駁一駁 靚足七日

「貓狗天地」專業寵物美容師雪May謂：「人用的頭飾及首飾，很多都可用在狗狗身上，因此選擇五花八門。髮型當然也層出不窮，準備參加隆重Party的狗狗，不妨駁勻全身；想Casual一點則可只駁頭、耳仔或前腳，一樣靚絕全場。此外，駁髮並非長毛狗的專利，只要狗狗毛髮有一吋長或以上，就可以玩駁髮啦！」髮型更可維持一星期之久，畀你靚足七日！打扮之前，當然要沖番個靚涼啦！

美容護理 煥然一新

今次順道介紹扶養泥加臭氧微霧組合，結合了美容及皮毛護理，讓狗狗一次過有多重享受。

１．狗仔落水前，先以鋼絲刷梳開身上纏繞的披毛，令污物易於浮出。在浴缸注滿暖水，然後加入適量的浴鹽及碌柚葉。	２．配合按摩溫泉浴機使用，能發出小至2微米的極細氣泡，有效地把寵物皮膚上的死皮，以及毛囊底層內的微細污穢物、敏感原等徹底清除。	３．狗狗浸浴約10分鐘後離水，以毛巾輕抹乾全身毛髮。
４．由狗狗的四肢開始，以扶養泥塗勻全身，但避免接觸面部。	５．配合臭氧微霧機使用，既能為狗狗提供暖意，亦有殺菌、除臭、辟味之效。一邊噴機，一邊為狗狗按摩15分鐘。	６．以清水洗去扶養泥，並加少許護毛素再沖洗一次。完成後以毛巾吸乾水分，再用風筒吹乾。

查詢：2419 2483

賀年Look 靚到七彩

雪May指出賀年Look除了要Sharp，還要呈現喜慶感覺，故紅色、紫色和橙色都是最佳配搭。如果不想為愛犬染髮，可選擇駁繡花線，而且駁上繡花線後還能隨意結辮子或修剪，令造型更具可塑性，主人大可以自己動手，為愛犬塑造出千變萬化的造型。

按主人喜好為犬隻加添飾物和衫仔，醒目賀年Look出爐！	１．先選取顏色繡花線，並預備適量的橡筋圈、剪刀和梳子。用梳子於前腳位置挑起一小撮毛，然後分為兩半打開，並把繡花線置於上方與毛髮形成十字，兩者交叉繞在一起。	２．然後用橡筋圈紮實，並重複上述兩個步驟；用剪刀修剪繡花線至合適長度。

駁髮不傷髮

視愛寵如珠如寶的主人，或會擔心駁髮影響狗狗毛質，雪May解釋：「駁髮的時候，首先將毛髮梳鬆，然後鬢上髮飾，最後以狗狗專用橡筋紮穩。最重要是橡筋不會直接紮在毛髮上，因此不會造成打結問題。」另外，駁髮前亦可在每束毛髮塗上護毛劑，進一步呵護毛髮，咁就又靚又不傷毛質啦！