鮑魚這矜貴食材，不外乎配搭海參、花膠、花菇等，小記卻在鮑魚大王楊貫一（一哥）有份開設的新店「阿一天下」裏，見它出現在粥、麵、焗飯，甚至鐵板餐中，驚喜之餘，價錢更加平到笑，招牌阿一三寶餐有齊吉品鮮鮑、魚翅撈飯及杏汁官燕，兩張紅底仲有找！味道點呢？有線娛樂台主播陸浩明（6 Ho）及李嘉馨（Ali）齊聲話：「鮑掂！」

能將高不可攀的鮑魚，變得親切又百搭，全因位於尖沙咀的阿一天下所屬集團在福建自設鮑魚場，每年產量超過2億隻，餐廳還遍布上海、北京、南京、廈門及新加坡，最新一站來到香港，掀起一股平食鮑魚潮！

平食鮑翅燕窩

阿一鮑魚名字響噹噹，食得起是身份象徵，這次平價版由乾鮑換成鮮鮑，一樣不欺場。看招牌菜阿一三寶餐，$168有齊原隻12頭吉品鮮鮑、大煲黃燜翅、龍皇杏汁官燕及白飯，分量十足。鮑魚用上老雞、赤肉燜煮，入味、軟腍又帶點煙韌；大煲黃燜翅精選軟滑金錢勾，單是燴翅的濃湯已熬上六小時，濃郁滋味；至於甜品龍皇杏汁官燕，香氣撲鼻，食完還真覺得很滋潤。

雖然消費平民化，但餐廳亦布置得很舒適，加上空間寬闊，令客人可輕鬆享用美食。

6 Ho (左)　Ali (右)

6 Ho和Ali即柯打三寶餐試味，6 Ho自言愛吃鮮味食物，鮑魚、魚翅最合心意：「有時都會食罐頭鮑魚，呢度啲鮑魚整得入味，魚翅撈飯食得豪。」Ali則愛養顏燕窩：「杏汁味好香濃，燕窩分量幾多，係女仔都鍾意啦！」

阿一三寶餐　$168 大熱招牌菜，二百元不到食齊吉品鮮鮑、魚翅撈飯及杏汁官燕，便宜但品質卻不賴。喜歡的話，可來升級享受，加$50將12頭轉成6頭鮮鮑。	生滾鮮魚腩粥$28 餐廳每日只供應六份新鮮魚腩，只作限量供應。魚腩鮮甜無腥味，僅僅熟肉質嫩，葱、生菜絲及大頭菜放得整齊另上，賣相吸引。	生磨龍皇杏汁官燕$88 以大粒杏仁自家磨製杏汁，香味濃郁，配合官燕味道得宜，如訂位時表明生日，便會換成圖中的精美賣相，豪氣的將燕窩一飲而盡。

百搭鮮鮑美食

有鮑魚場做後盾，餐廳在炮製菜式上，自然可以發揮無限可能。要不是親眼目睹，還不知原來鮑魚可以配搭蒸排骨飯、鐵板雞扒、鐵板豬扒等。值得一提，這裏還供應滋補燉湯、甜品，甚至午餐及下午茶餐，讓大家全天候品嘗美食。

眼見鮑魚美食林林總總，6 Ho直言打算帶家人前來品嘗：「農曆年連放幾日假，已經諗定節目，同朋友食海鮮、打牌，仲可以約埋屋企人來食鮑魚。」未知有冇假放的Ali露出羨慕神色：「最好可以放假啦，因為新年通常會食得好豐富，而且可以趁機見吓親戚，逗利是嘛！」

查詢：2722 6670

6 Ho近況

以搞笑、轉數快見稱，主持《主播會客室》外，還與衞志豪雙打《串爆娛樂》，一針見血講盡娛樂圈新聞。

Ali近況

主持節目《空間大改造》及《十二夜》，將到青森縣遊歷一番，另準備有關瑜伽的新節目，與其他女主播擦出火花。