嫌機頂盒接駁煩、阻地方的朋友，一般都會選擇iDTV，買部廿幾吋細細哋擺房睇高清節目，絕對是賞心樂事。雖然現時市面上細尺寸iDTV的解像度普遍偏低，但Cinetron新推出的UX系列，除了最細的19吋外，其餘型號的解像度均達全高清級數，加上支援多種多媒體檔案，睇相、播片，甚至聽歌都冇問題。

高畫質多款尺寸

高清數碼廣播愈來愈普及，很多用家不單在客廳安裝了iDTV，甚至打算在睡房、書房都擺放多一部細尺寸的iDTV，但平時在客廳睇慣了全高清靚畫面，入房時變番低解像的iDTV，實在幾冇癮。故Cinetron最新的UX系列，就備有19、22、26、32、37吋等多款尺寸，除了最細的19吋（1,440×900）外，全部型號的解像度均達全高清（1,920×1,080），配合8,000:1對比度、5ms反應時間、500流明亮度及兩組HDMI輸入插口，無論接駁Blu-ray機煲碟睇戲，還是收睇高清節目，畫質都同樣清晰細膩。

兼容多媒體播放

潮流興在網上下載短片、相片及音樂欣賞，但市場上只有少數iDTV能像UX系列般支援多媒體播放，用戶只需接駁上USB手指或硬碟，就能播放MKV、MOV、AVI、RMVB短片，JPG、BMP相片，以及MP3、WMA等音樂檔案，唔睇電視節目，一樣有大把娛樂，兼容性之強無出其右。

查詢：2821 7645