話咁快下星期就係農曆新年，我都着手布置屋企啦，Cutie賀年裝飾，啱晒我哋屋企氣氛！

依家啲新年擺設愈出愈得意，我心儀嘅超可愛Sanrio新春造型公仔，又舞獅又小鳳仙裝咁，得意到頂點，而本地漫畫家馬仔亦首次推出幽默爆笑揮春，大玩食字，講出晒打工仔嘅心聲，好鬼過癮啊！

小鳳仙Kitty坐在紅金魚上，祝大家如魚得水。$199.9（a）	咁Cute嘅大口仔財神，包你今年賺到笑！原價$228.9至$328.9特價$139.9至$199.9（a）	搞笑嘅馬仔大玩Cosplay老虎裝，祝大家「虎」中作樂！$10/張（b）
「油」手好閒揮春，相信是不少OL嘅願望呢！$10/套（b）

查詢： （a）2692 3899

（b）2865 0708

老虎係今年主角，但原來金魚一樣搶鏡！

為迎接虎虎生威嘅虎年，新港城中心特別打造「珍品金魚桃花園」，首次展出由港人繁殖嘅稀有金魚品種─逾10吋「虎紋獅頭」！橙金色身體加上威武嘅老虎斑紋，獨特罕見，乃高評級嘅鑑賞魚，同場更有其他珍貴品種如寬尾琉金及琉金獅頭等。商場更特別舉行「魚樂無窮攝影」比賽，獎品分別係$2,000、$1,000及$500嘅商場禮券，想挑戰自己嘅攝影技巧，就要把握良機啦！

查詢：2838 6812

自家煮意粉好Easy!

最近囝囝食飯好似唔多開胃，於是諗住晚餐試整意粉，畀大家一啲新鮮感，因為我响書局見到呢本《鍾意Pasta》，裏面介紹咗好多個意粉食譜，簡單易明，幾分鐘就煮出美味意粉，仲有分經典味道、港式風味或和風意粉。內容仲介紹一啲與意粉同食嘅配菜，既然有得照辦煮粉，又點會難倒我呢！

表弟唔識買情人節禮物？

表弟MSN問我：情人節送咩畀女朋友好？我答佢心形飾物應該唔會錯得去邊！送佛送到西，即刻幫佢搵料，知道周大福推出「Perfect Heart全心系列」，名副其實係Sell心形鑽石啦！所謂心形鑽石係需要配合獨特嘅石胚先可切割出嚟，相當考技術，而且首飾款式簡約高貴，非常襟興，連我都鍾意喎，表弟！

動人心弦美鑽戒指美鑽 約$13,000起（約0.30卡起）

一見傾心美鑽吊墜美鑽　約$4,100起（約0.15卡起）

查詢：2526 8649

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝