送嘢畀女仔，唔使吓吓講出口，送上Love Message飾物就盡在不言中啦！

結咗婚之後，送嘢畀囝囝仲多過送畀老公，不過一到情人節，好多男性朋友都會問吓我送咩畀女仔好？老實講，送精緻嘅首飾就一定冇甩拖，但係要女仔感受到你嘅心意，份禮物最好有埋Message啦！好似法國配飾品牌AGATHA就大玩Love Message Collection，想表達浪漫、幸福愛情，又或者一生承諾？喺呢度搵最啱你嘅Love Message首飾啦！

幸運美滿 四葉草又叫幸運草，據講一萬棵三葉草先有一棵係四葉草，人海裏面都畀你遇到命中注定嗰一個，仲唔係幸運？ （上）四葉草掛飾 $190 （下）四葉草手鏈 $420	tie the knot心愛連結 無論打咩結，真心相愛嘅人，永遠都連結埋一齊，打風都打唔甩！ （a）8字結手鐲 $780 （b）永結同心手鐲 $840 （c）You & Me戒指 $780 （d）永在心中戒指 $840	甜美可愛 想讚女朋友可愛，送上好Sweet嘅粉紅造型掛飾再加一句：「襯晒你！」仲唔冧到震？ （由左至右） 粉紅公主服掛飾 $450 粉紅南瓜車掛飾 $490 小天使掛飾 $420 粉紅棉花糖掛飾 $450
打開愛情之門 向心儀女孩表白但係驚講錯嘢？送上打開愛情之門嘅鎖匙，明晒！ （由左至右） 男性圖案吊墜 $260 鑰匙圖案吊墜 $260 女性圖案吊墜 $260 鑰匙掛飾 $290 鑰匙連鎖掛飾 $540

查詢：3529 6777

換埋兩款Hello Kitty新春別注版珍藏吊墜就齊晒啦，喵！

全套35款嘅Hello Kitty 35周年珍藏吊墜系列，舊年12月推出後，我已經勁儲印花換o架啦，點知7-Eleven再推出新春別注版吊墜！睇到呢兩款代表1976年嘅信架同1982年嘅照相機吊墜，就諗起已經冇乜人用菲林機同寄信囉，真係好懷念以前嘅日子，趁住新年要買禮物拜年，努力儲多幾個印花換埋kui先！

查詢：2299 1110

有機自摘園指南

我哋一家都愛郊遊，呼吸清新空氣，不過來來去去都係嗰幾個地方。由漁護署及蔬菜統營處編印嘅《本地有機蔬果自摘園指南2010》已經出版，今年以番茄為主題，不但介紹番茄種植，仲有超過30個有機自摘園嘅介紹，以及本地多種蔬菜嘅收成時間表，啱晒我哋去不同農場摘蔬果。等我立即郵寄A5大小回郵信封（連$4郵票）到上水蓮塘尾漁護處大龍實驗農場有機耕作組索取先，唔使錢o架！

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝