近期港股風高浪急，睇少陣都隨時唔見幾個價位，想掌握市場脈搏，用手機上網Check股價是最好辦法。最近東方報業集團網站《on.cc》在App Store推出Money18股票報價，用iPhone就可睇實股市走勢，配合同期新登場的on.cc即時新聞程式，以後無論港聞、娛樂還是財經資訊，都能一手掌握！

以前iPhone出現過不少可查股價的應用程式，可惜大部分均為非法提供，港股報價並未取得香港交易所授權；而即使獲得授權，亦以試用版居多，用一、兩日就需額外付費。等了又等，依家終於有個攞正牌的報價程式Money18登場，可以睇到延遲15分鐘的股價，iPhone用戶只要於App Store財經類別便可下載得到，或直接以「Money18 Stock Quote股票組合」作關鍵字搜尋。程式完全免費兼僅得0.2MB容量，股民唔下載就走寶！

可連結至即秒報價

跟享負盛名的Money18網頁版一樣，Money18這個App最吸引是提供港股報價功能，股民只要在首頁輸入想睇的股票號碼或名稱，便可即時睇到15分鐘前的股價及變動；而且每觀看一隻股票，系統便會自動把它加入為股票組合，下次股價會在首頁呈現，毋須重新輸入咁麻煩！另外，只要將畫面向下拉一下，就可以即時更新股價，想要「即秒報價」，只要Click入去便可連結至Money18網頁版，內容更新更詳細，完全緊貼市況。

七大新聞頻道

報價以外，東方報業集團亦沒有忽視即時新聞的重要性，旗下《on.cc》再接再厲，在iPhone推出即時新聞服務on.cc，提供港聞、兩岸、國際、財經、娛樂、體育及交通/天氣7大頻道。新聞形式有點像網上流行的RSS文件，只要點一點頻道，便可看到相關摘要，而除了提供兩種字型大小外，部分還提供相片輔助報道，圖文並茂更清晰。特別一提，無論是on.cc還是Money18，兩個程式的版面均為iPhone度身訂造，設計盡量令用戶用得舒服，最重要係唔大食，唔會有負荷過重而中途彈出的問題出現！

居下載榜前列

雖然on.cc及Money 18兩個Apps都是今年1月才推出，但由於簡潔易用兼毋須收費，甫推出便大受用戶歡迎，唔單只Money18高踞本地免費財經Apps下載榜榜首，排名比滙豐銀行HSBC Market Watch還要高；on.cc更曾是所有免費Apps的下載量之冠，不少用戶都給予最高5星評分，唔想畀人話Out，就要快啲下載！

Nokia都有得玩

iPhone雖然好用，但滲透率始終唔及Nokia，所以on.cc即時新聞程式同時亦有Symbian版本，以供Nokia手機用戶使用。程式放了在Nokia的Ovi Store內，只要輸入「on.cc」便可跳到安裝頁面，點選on.cc按鈕後即能直接下載，整個過程毋須3分鐘，一瞬間睇到不同分類的即時新聞。

手機達人：免費，正！

專營手機買賣的G-World店長Lo哥平時都有玩股票，但發覺很多手機用的股票工具都要收費，有些甚至限定報價次數，真係未見官先打八十大板︰「Money18嘅iPhone App就好唔同，免費不在話下，最正係可連結至網頁版做到即秒報價，對短炒相當有幫助。」他還補充道，程式絲毫唔大食，即使iPhone 2G亦運作暢順，連舊用戶都照顧到。