雖然老夫老妻，但情人節一定要有禮物！有咩好過雙雙對對呢？
今年買情人節禮物畀老公時，我都幫佢買多份畀自己，一於同老公打孖上！我當然繼續發揮網上購物本色，搵咗個新網「sheonline」，唔單止有大熱情人節禮物，仲有潮媽系列、男女裝、日本飾物等，又一個網上好去處！
網址：sheonline.com.hk 查詢：2314 2002
團年飯天書：食得有營
身邊唔少姊妹平日鹽糖不分，但都想試煮團年飯，响啲C6面前威番次嘛！我梗係撐啲姊妹啦，即時四出搵料，終於搵到本出爐新書，由資深營養顧問柯文滿同新一代女廚師Kannis，教大家煮健康賀年菜，例如用素翅代替雞鮑翅、焦糖燻雞代替炸子雞等，全書共80款菜式，跟住煮包冇失禮，連我都會偷師响年三十晚大顯身手！
《輕盈健康賀年菜》（套裝版）
作者：柯文滿、Kannis Yeung
售價：$80
入馬場睇靚衫
聽日扮靚靚，陪老公去沙田睇賽馬，事關聽日舉辦「百週年紀念短途盃」，加上有名牌Kent & Curwen贊助，絕對係衣香鬢影嘅盛事。Kent & Curwen已經係連續三年嘅贊助品牌，當日更有模特兒示範最新嘅Kent & Curwen 2010春夏系列和百週年紀念系列，包括多款西裝及運動外套、恤衫、Polo恤和男裝配飾。百週年紀念系列，款式設計會彰顯賽馬運動嘅高雅風格；有賽馬又有靚衫睇，認真好節目！
過往新年會去許願樹許願，估唔到今年去商場就搞掂！
數碼港商場以「囍願．新年」為主題，大玩中西合璧，將民間經典習俗拋寶牒同西方裝置藝術Crossover，以繩網編織一棵超過20呎高嘅後現代許願樹，只需捐款$20，就可購買由東華三院賽馬會復康中心嘅智障學員親手製作嘅囍願寶牒，所有收益會全數撥捐東華三院作慈善用途。另外，皮影及木偶大師黃暉先生屆時更會將米高積遜與皮影戲Crossover，將MJ嘅超凡舞技重現於中式舞台上，嘩，好精彩喎！
查詢：3166 3111
首兩名「百萬富翁」宣告誕生
澳門金沙舉辦的「金虎百萬賞」活動已推出了差不多一個月，參加者只須一轉幸運輪，便有機會贏取港幣一百萬元獎金。早於1月12日及14日，已分別有兩位幸運「百萬富翁」誕生，他們分別是來自菲律賓的Joselito Reyes先生及中國的方少斌（Fang Shaobin）先生，兩位得獎者對轉中大獎皆非常興奮，並表示會把獎金與家人往旅行慶祝。「金虎百萬賞」的推廣期至2月28日，有興趣參加者可於澳門金沙娛樂桌及角子老虎機換取抽獎券，即有機會被抽中旋轉幸運輪，贏取港幣一萬至一百萬元不等的獎金。
資料：營業資訊
一生一世毛毛兔
今年情人節撞正年初一，可能因為咁，優惠特別多。Playboy今年情人節推出限量版毛毛兔公仔，身高33cm，非常可愛，手持嘅粉紅色心心更可以拆出嚟當手墊用，實用又具收藏價值，限量版毛毛兔公仔將於2月1日推出，凡購買指定Playboy袋款加 $131.4（一生一世）換購，現已接受預訂，等我提吓細佬，快啲訂番隻畀女朋友仔先！
查詢：2808 1023
情人節係孖公仔嘅專利！
MJ木偶？好搞鬼！
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝