有冇發覺枱頭有好多各式各樣嘅接線，如LAN線、滑鼠線或耳機線等，經常扭作一團，有失美觀之餘，亦不便使用。嫌一般捲線器外形普通，可以諗吓新出嘅Evouni捲線公仔，佢可以收納到如耳機線、滑鼠線等小型接線外，連電源線及LAN線等粗身接線都適用。當然其外形設計先至係產品最特別嘅地方，新出四款不同嘅動物造型（兩款熊仔及兩款兔仔），全部都相當可愛，而且橡膠底座擺得夠穩陣，咁以後枱頭就整潔得多。

查詢：3188 0767