以往多間相機大廠，都會選擇在二月底嘅PMA展覽上先發表新機，不過今年都幾出人意表，Samsung在CES上展出了採用自家系統規格的可換鏡數碼相機NX10，最正賣點係機身可以做到一如Micro 4/3（M4/3）相機的尺寸，但就同時畀到DSLR嘅影像質素。

今年數碼相機界將會以1,400萬像素作為指標，所以NX10都採用1,460萬像素APS-C尺寸CMOS影像感應器，最大好處係能夠擷取到更自然的色彩，而且亦由於影像感應器面積大咗，冇咁易出現雜訊，在ISO1600設定下拍攝都唔易「起渣」。

今年派發紀念品的品牌唔多，難得見到Real 3D請來靚女大派3D眼鏡。

Casio請來一班打女表演功夫，畀大家試真1,000fps嘅連拍威力。

DSLR質素 八鏡配合

新系統最常見嘅問題係鏡頭支援不足，好在Samsung已經在CES同時展出三支新鏡，包括有30mm Pancake鏡、18-55mm OIS標準鏡同50mm-200mm遠攝鏡，焦距換算倍率約1.5X，仲全部有得即場試玩，預期今年內更會出夠八支鏡頭，小記初步測試後感覺都幾唔錯，好似機身夠輕，手握位舒服，而且對焦速度都算幾快。

即場利用微軟嘅Surface睇番NX10試拍效果，睇啱仲可以Send返屋企留念！	CES都真係行到天昏地暗，小記每日天黑（約5:00pm）先能離開會場。	Samsung總部Digital Media Business高層Park Seung Soo先生。

M4/3尺寸 獨家接環

NX10另一大賣點係配上3吋AMOLED，顯示色彩夠光夠靚，就算在陽光底下操作都唔怕睇唔到，比較令人意外的是採用自家開發的NX接環，Samsung總部Digital Media Business高層Park Seung Soo先生話係想提高拍攝質素，更表明DC跟DSLR之間唔止可以存在M4/3一套系統，佢仲預告會陸續在輕巧數碼相機上加入影片場景模式、Lomo及移軸特效，甚至連3D數碼相機都已經準備就緒。

啡底白線同黑底紅線嘅NX10皮套，高貴又有品味。	Samsung今次用上自家開發的NX鏡頭接環，相當大膽創新。	NX10配上3吋AMOLED顯示屏，連機身操作介面都設計得簡單易用。
1,000fps連拍 Casio Exilim EX-FH100 延續系列最強的1,000fps快拍效果，最好係今次機身輕巧了好多，並且配上一支24-240mm焦距、10倍變焦鏡頭。	滑蓋小巧 Panasonic Lumix FP系列 加推三個新型號，包括有FP1、FP2同FP3，承繼機身纖巧、多色選擇的特點，並在機面加入小型滑蓋保護鏡頭，主打入門級市場。	黃黑搶眼 Sennheiser耳筒 跟adidas玩Crossover，出咗四款運動型耳筒，包括圖中的CX680 Sports入耳式型號。
無線娛樂 Sony Dash Sony展出擁有7吋輕觸式屏幕的手提網絡裝置Dash，提供無線上網瀏覽網頁及數碼娛樂功能，仲可以為Dash安裝逾1,000款不同的Widgets。