朋友D剛考到車牌，又剛買咗架新車，邀請我哋成班fd兜番轉，於是巴打A提議入小欖燒嘢食。但D聽到即時面色一沉，話佢雖然識揸車，但係唔識路，即畀我哋笑到囧咗。最後我們沿公路搜尋，竟然搵到個擁有無敵海景嘅燒烤場「跳蚤BBQ樂園」，絕讚！\^o^/

新牌仔朋友D，一踩上公路少不免騰騰震，Keep住六十行慢線，沿住屯門公路路牌，駛到小欖就轉入青山公路，喺青發街口轉入去，終於見到目的地：跳蚤BBQ樂園。原來燒烤場喺正小欖樂安排跳蚤市場隔籬，附近仲有個舊海水化淡廠，電影人V一眼就認出呢度係好多電影嘅拍攝場地。

放大圖片	老闆應要求幫我哋買啲海鮮返嚟燒，「鹽焗」中蝦好鮮甜，又帶有炭燒風味，nice~ ;P	沿着屯門公路一直行，唔識路都好容易搵到，由九龍入到燒烤場唔使半個鐘。

$5泊車+$78全日任食

燒烤場位置喺正青山灣海邊，一落車已經見到超級無敵大海景，所有fd都勁讚！個場旁邊仲有個露天停車場，$5泊足一日，朋友D都話未見過咁平嘅停車場！再加上燒烤場原來係一個價錢全日任食，每位只需$78，女眷W即時秒殺決定，要喺度玩足全日方休！但巴打A問：「燒嘢食點燒全日呢？」老闆向我哋介紹，燒烤場內不但有燒烤爐，仲有電子遊戲機、夾公仔機、Plasma大電視、歌唱表演舞台，同埋專業魚竿借畀顧客沿海邊垂釣，仲唔介意客人釣魚上來即燒。

問老闆借咗幾支魚竿，即席喺海邊釣兩條魚燒吓先~~	我哋並唔係燒燒吓嘢食落咗機舖，而係燒烤場內設有街機同賽車玩^^	友人的女眷們今天專責揀嘢食，來來回回十幾次，近三十款食物拎極都拎唔晒，佢哋話當減肥喎。… =.="

燒烤加料超屈機

女眷W和V負責揀嘢食，豬牛雞扒煙鴨胸、紅黃綠燈籠椒、番薯，仲有老闆娘親自醃製的橙味豬頸肉，以及老闆極力推薦的魷魚和墨魚丸。食物全部O晒K，連女眷們都不顧身世和儀態翻啅再翻啅。食到一半，老闆突然拿出錫紙盤，原來巴打A在訂位時，已託老闆準備海鮮，於是他當日便到街市買些魚蝦蟹，更在錫紙盤中鋪上粗鹽，準備給我們來個炭燒海鮮檔，而最後只收番購買海鮮的價錢，老闆仲話：「如果你想柯打燒鵝，我都可以幫你買返嚟！只係收番隻鵝嘅價錢啫！」咁Nice嘅老闆同燒烤場，巴打們即畀個「十卜」，仲話要上網寫靚個Blog，幫手推到上報！

朋友D「除咗鹽焗蝦蟹，仲有鹽焗大眼雞，啲肉一層層剝開慢慢歎，正！」	電影人V「冬意綿綿，煨舊番薯暖洋洋！味道夠晒甜，入口即化！」	女眷W「鴨胸本身已煙熏過，再燒吓仲有埋炭香，咬落又有嚼勁！」

跳蚤BBQ樂園

收費：星期一至五 成人$70、小童及長者* $48

星期六、日及假期 成人$78、小童及長者* $48

（入場費包蒸餾水一瓶、罐裝飲品一罐，首一至八位包蜜糖一杯及廁紙一卷）

註：任何日子另加開爐費（附炭一包）$20

*小童身高120cm以下，長者65歲以上並持有長者卡

查詢：2911 0099