香港好少睇到馬戲團表演，一個嚟自美國好威水嘅雜技團响商場獻技，一家人去睇啦！

呢幾日囝囝仲放緊假，過幾日又係新年假期，我諗住一家人去太古城中心睇雜技表演，佢哋請咗世界知名雜技團Wonder World Entertainment演出，呢個雜技團喺美國好威水，曾於美國多個州郡獻技，屢獲好評。今次有十一位技藝精湛嘅雜技人嚟港，表演好多令人拍案叫絕嘅項目，好似懸在半空嘅美女會利用絲帶做出高難度動作、挑戰人體筋骨極限嘅柔軟體操、身陷大車輪嘅雜技人隨住音樂拍子舞動大車輪等，好期待吓！

「美國奇藝雜技馬戲團」

日期： 即日至12月30日

1:30pm至2:00pm、6:30pm至7:00pm

12月31日

1:30pm至2:00pm、3:30pm至

4:00pm、6:30pm至7:00pm

2010年1月1日至3日

3:00pm至3:30pm、5:00pm至

5:30pm、7:00pm至7:30pm

地點： 太古城中心二樓舞台

查詢： 2568 8665

年尾流流，老公晚晚OT，諗住農曆年假期去廣東溫泉Relax吓！

浸溫泉唔一定要去日本或韓國，近近哋嘅廣東省亦有好多唔錯嘅溫泉，兩日一夜就得，價錢又唔貴。點解我咁清楚？因為前幾日經過書局，畀我發現《廣東溫泉度假全攻略》呢本書，裏面介紹二十一個廣東頂級溫泉度假勝地，分別响深圳、惠州、廣州、清遠、肇慶、珠海、澳門、陽江、雲浮等地區，啲溫泉仲好有特色，好似有環保農莊、歐陸風格，甚至喺岩洞、火山底、國家森林內等等。嘩，好想快啲去泡湯啊！

《廣東溫泉度假全攻略》

作　者：黃家賢等編著

出版社：萬里

價　錢：$58

兒童劇：記得要守承諾喎！

「媽咪，你唔記得你應承過我，今個星期六陪我玩喎……」查實我唔係對囝囝信口開河，只不過日日忙來忙去，有時會忘記咗對佢嘅承諾。好啦！帶佢睇「偶友街作」木偶劇團嘅《小雪人與太陽花》，呢個關於堅守承諾、真摰友情嘅兒童木偶音樂劇，唔單止啱細路，亦好啱大人睇，讓我哋體會承諾與珍惜嘅重要性。

《小雪人與太陽花》

日期：2010年1月1至3日

地點：香港演藝學院戲劇院

票價：$160、$120

查詢：2734 9009

新款雪櫃：嶄新技術保存食物

晏畫返屋企遇上隔籬屋梁太，佢話最近買咗部對門式雪櫃，製冷又強，仲好慳電：「Samsung新推出嘅雪櫃具備好多嶄新功能，好似新雙冷凍系統嘅冷卻速度比以前更快，能有效避免食物嘅氣味互相混合，令食物新鮮程度保持得更長久。佢哋嘅省電變頻技術與嶄新嘅補濕製冷技術配合使用時，可令耗電量比一般雪櫃減少達20%，慳番唔少電，符合晒依家環保嘅原則。」聽落真係唔錯喎，得閒去睇吓先！

查詢：3698 4698

心率腕錶：Check卡路里

近排唔係開Party就約啲朋友見面，離唔開都係飲飲食食，其他人都好驚增磅，但我就無有怕。點解我咁淡定，因為我有「阿錶」囉！喂喂喂，我份人好專一，「阿錶」只不過係Polar心率腕錶呀！呢樣產品可簡易及快捷監察及顯示心率、顯示燃燒嘅卡路里、儲存記錄等功能。好似其中一個型號更獨有Energy Pointer能量指標，可根據使用者嘅年齡、體格及心率數值嘅變化，即時顯示用家嘅心率數值正處於燃燒脂肪還是改善體魄嘅狀態，幫我了解及控制運動強度，咪可以Keep住咁Fit囉！

查詢：3105 3000

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝