Ella平時嗰樣已經好Sweet，加上在蜜運中，難怪唱情歌都特別有感情。而LG就趁聖誕節推出新一系甜品手機Lollipop GD580，學似波板糖咁備有多款機身顏色任揀外，機面仲加入可愛嘅LED燈，可以砌出勁冧圖案來氹女朋友，Ella話如果收到肯定會甜到漏。

自去年開始，LG推出過一系列以甜點命名的手機如Ice Cream及Cookie等，以較入門的功能及可愛的設計吸引用家。今次Lollipop的摺機外形就似是Ice Cream的後繼機款，機面同樣有LED燈顯示，但規格及功能均有提升，起碼追加了HSDPA支援，上網更流暢。

Lollipop採用一大片淨色機身成大塊，顏色仲要學似糖果，難怪會叫做波板糖。$1,880	鍵盤夠大，按鍵清晰，就算媽咪都啱用。	機身厚度只得13.4mm，夠薄又好袋。

LED閃燈　砌圖冧女

Lollipop的機面看似一塊波板糖，但其實隱藏了兩大玄機。上面設有105顆（7×15）LED燈，平時可用來顯示時間及未接來電和短訊提示，亦提供多達十二款LED閃燈效果給用家替換。除此之外，用家可以發揮創意，砌出不同的圖案，組合成一些Sweet字句，女友見到必定十分驚喜；而且更可以將燈效變成來電顯示，凸顯個別聯絡人的地位，作為情侶機就最啱用。

用家可為Secret閃燈設定七款顏色及五款閃動效果。	在主畫面備有切換功能，可當作功能捷徑。	用家可以發揮創意，自訂機面的LED閃燈圖案。

另外，面蓋的底部採用透明設計，內置了四顆LED燈，通過不同顏色及閃動效果創作出個人化的「Secret閃燈」，就算同人撞機都認得出。

平時機面LED燈會顯示時間，亦有多達十二款動感效果。

面蓋的底部藏有四顆LED閃燈。

動態感應　反機收聲

不少手機都有內置動態感應，通常用來玩遊戲，或是自動校正屏幕。Lollipop除內置M-Toy動感遊戲外，連外置LED屏幕都有水平校正功能，並支援智能手機常見的「反機靜音」功能，有來電時只要將手機反轉，就可以停止響鈴及震動，開會或見客最方便。

硬件配置　中規中矩

雖然追加了不少好玩的新功能，不過LG的甜品手機始終屬入門系列，因此Lollipop的硬件配備未見突出，例如機背的三百萬像素自動對焦及連環拍攝相機鏡頭；內置多媒體播放器及FM收音機，可惜不設3.5mm耳機，聽歌就要使用轉插；而且只支援最入門的3.6Mbps HSDPA連線速度，但都足夠用來上網搜尋資料或在Google Maps上分享自己的位置。

鏡頭支援自動對焦及連環拍攝。	備有草莓、藍莓及黑糖三種顏色選擇。	機背配備三百萬像素鏡頭，拆開電池蓋則可更換microSD記憶卡。

機檔案

制　　式： UMTS 900/2100 MHz、GSM四頻

屏　　幕： 2.8吋262K色TFT，240×400解像度

記　憶　體： 內置60MB，支援最高8GB microSD記憶卡

通話時間： 180分鐘（2G）/170分鐘（3G）

備用時間： 250小時

對外連接： 3.6Mbps HSDPA、藍芽2.0、USB2.0

其　　他： 300萬像素鏡頭、LED燈效、Secret閃燈

體　　積： 108.3×51.5×13.4mm

重　　量： 103.5g

查詢：3543 7777