跳繩、跨欄、踩板等活動並非人人做得到，更何況是細細隻的小動物？今年聖誕，有商場請來曾在俄羅斯馬戲團表演的貓狗馬戲團來港演出，十多隻貓狗一齊表演多項高難度雜耍，預演當日，小記已經拍爛手掌笑爆嘴！

貓狗馬戲團的陣容相當強大，由兩位著名俄羅斯馬戲團專業訓練員Anaida和Irina領軍，分別帶領六隻小貓及九隻小狗演出。Anaida擅長訓練小貓踏鋼線，而小貓更能在鋼線上邊轉動紅色大波波邊前行，至於首次來港的Irina，十四歲便成為動物訓練專家，獲獎無數，更曾在歐洲、美國、墨西哥等地作巡迴演出。

狗狗勤力 貓仔懶散

對於挑選「主角」的準則，Irina強調每隻動物皆孺子可教，會着重牠們的天資多於年齡、品種。「今次表演的貓狗大多由六、七個月開始接受訓練，不過只要我認為牠有表演才華，無論幾多歲、甚麼品種也可成為明日之星！」Irina說貓、狗的表現有很大差別，狗仔訓練時從不偷懶，貓咪則整天懶洋洋，沒食物作餌唔使旨意睬你，最搞笑係貓女往往比貓仔勤力！「所以我訓練的動物中只有一隻係貓仔！」Irina笑說。

訓練竅門重耐性

講到訓練貓狗的竅門，Irina強調要有耐性，而她跟一眾「主角」就像一家人般：「訓練牠們就好像玩遊戲，我更會跟貓仔Rijik一齊瞓，真係好似佢媽媽咁！」Irina笑言自己訓練貓狗有素，偏偏就「訓練」不了自己老公，世事果然無十全十美！

五大笑位

第1笑:獅子狗 團隊變身「獅子狗」，最細的狗仔FROSYA刻意做出蝦碌動作，引得觀眾笑爆咀！	第2笑:踩鋼線 另一訓練員Anaida訓練貓咪在僅三厘米的鋼線上走動，以及邊行邊旋轉紅色大波波，勁搞笑！	第3笑:踩板 高速滑行，爽！
第4笑:跳繩 我跳！	第5笑:跨欄 快啲，好攰呀！

聖誕星級貓狗Show一番

日期：12月19日、20日及24日

時間：1:00pm、3:00pm、5:00pm

　　　（每日3場）

地點：黃埔新天地2期時尚坊地庫

費用：免費

日期：12月25至27日

時間：12:30nn、2:30pm、4:30pm（每日3場）

地點：船景街

費用：免費

查詢：2121 8344