一向售賣型格家居飾品嘅Homeless有啲X'mas Special產品，仲有Carrie Chau嘅黑羊精品呀！
呢批精品嚟自英、法、德、美、日等地，包括多個品牌嘅創意產品和自家設計嘅傢俬，等大家過一個Home Sweet Home嘅聖誕。部分精選貨品包括本地插畫師Carrie Chau設計嘅黑羊精品、經典Designer Chair等，係時候去吸收品味啦！
查詢：2581 1880
多功能黃帝祠
位於粉嶺的黃帝祠，前身乃建於一九二五年的「軒轅祖祠」，曾經是新界北區粉嶺各姓鄉民祭祀與議事之公祠，曾因年久失修一度面臨拆卸威脅，後終籌集到逾億元資金進行重建，工程於二○○五年完成並正名為「黃帝祠」。該祠樓高七層、佔地一萬平方呎，是華南首間具規模的軒轅黃帝的紀念建築。祠內除設有供奉黃帝的「軒轅殿」，也有炎帝的「神農殿」、孔子的「大成殿」，還有供奉佛教的「三寶佛」、「四大菩薩」及道教的「三清殿」、「三師殿」，糅合了中國儒、釋、道三教為一體。此外，這裏設有骨灰龕位及祖先靈牌位，供善信在此莊嚴環境下拜祭先祖，慎終追遠。
查詢：2677 6607
熱飲買一送一
天氣寒冷，最好梗係飲杯熱辣辣嘅朱古力暖身啦！台式飲品TeaPlus推出黑の戀人暖心朱古力系列，香濃幼滑熱朱古力，加上營養豐富嘅阿麻子，高纖又健康。暖心朱古力系列有三種口味選擇，分別係榛子黑の戀人、薑味黑の戀人，以及特濃黑の戀人。由即日起至十二月十九日到TeaPlus各分店，購買任何價值$12黑の戀人暖心朱古力系列，即可獲買一送一優惠，快啲同C6二人世界，齊齊歎杯暖笠笠嘅熱飲。
查詢：2615 8666
聖誕除夕去懷舊
早排多款香港老菜榮獲米芝蓮星級評分，令呢啲經典佳餚再次受人注視，機場世貿中心會所响聖誕和除夕期間舉行聖誕除夕懷舊夜。會所將會提供八道本地懷舊菜式，包括蜜汁燒金錢雞、如來佛跳牆、古法焗釀響螺、煎焗香葱燒斑球、秘製鮑汁遼參鵝掌飯、蓮蓉布甸、傳統皮蛋酥等，更請嚟樂隊和歌星現場獻唱懷舊金曲，一邊享受美食，一邊聽音樂，重溫六、七十年代老香港情懷，等我幫叻公公同叻婆婆訂位先。
查詢：3960 1329
屋企嗰隻佬係電腦迷，雖然我唔熱中電腦遊戲，但係一樣有緊貼科技用品潮流。
最近JC Shop引入多款搞鬼USB分插器小玩具，當插上電源後，小玩具就會自動運作，好似有大熱嘅鬆弛熊，插電後會郁同面紅，對眼更會三百六十度轉，而且仲有識伸脷嘅變色龍，插劍海盜遊戲等，既實用又可以當精品擺設，一舉兩得，一於送個畀C6！
查詢：3101 5033
得閒睇吓啲品味嘢，個人都有氣質啲啦！
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝