上海最近推出手機定位追蹤功能，一時間令一眾打工仔人心惶惶，男士尤甚，因為驚住隨時畀公司或女伴Check到自己嘅行蹤！其實香港好多手機都有類似功能，就算冇申請呢個服務，亦會在不知不覺間暴露咗機主嘅位置，想避免暴露行蹤？就要留心以下幾大高危的手機應用！

隨住手機的定位服務愈來愈普及，加上數據收費的下調，很多用家為求方便，都會長期啟動了手機的定位服務，不少人更會配合Geo-tagging影相，方便製作流動日誌，就係咁，用家嘅每日行程便會在互聯網上無所遁形！

Google Latitude行程直播

於早前推出的Google Latitude功能，目的是讓用家利用定位服務，預先規劃出行程路線，或者跟附近的朋友互通消息。除了iPhone是需要逐次登入之外，Android手機、BlackBerry手機均設有自動分享地點的功能，讓程式在背景繼續運行。如此一來，朋友只要一上Latitude便可清楚你的日常行蹤，出埠前若忘記停止這項服務，更會被徵收數據漫遊費用。

iPhone設定內有一個名為Location Services的選項，只要一啟動，所有定位服務就會被啟動。	Android手機現在於首次輸入Google帳戶登入資訊後，便會收到電郵，提示用家已正在分享地點資訊。	其實在Google Latitude內，用家可以設定為完全不分享身處位置。

上傳相片EXIF露行蹤

很多手機因為內置了GPS晶片，加上AGPS功能，好多時就算喺室內影相，都會將拍攝位置坐標儲存到相片的EXIF檔內，除非先把相片放到電腦上修改，否則影完相後就用手機直接Upload上網，其他用戶也能得知相片拍攝的地點。

例如你影咗張相同朋友講話喺屋企食緊外賣飯盒，但朋友只要根據EXIF檔內的坐標記錄，就知道你有冇講大話。	放大圖片	Flickr都識得根據相片EXIF檔內的坐標，自動找出拍攝地點，再問用家是否要Tag起相片。

Twitter實睇到你

現時好多人都會在智能手機上安裝Twitter程式，但Twitter本身係一個集合定位、Blogging同埋分享圖片的社區網絡，所以好多時程式都運用手機的定位服務，方便用家留意附近嘅朋友做緊乜，咁就真係好難睇你唔到。另外，就算唔開定位服務，好多時寫Tweet都會加多張相，咁都好容易被人憑相片內的環境或者裝修，估到你的大約位置。

因為使用了GPS定位，呢個用家嘅Profile就清楚顯示出佢嘅所在地。

部分免費軟件如Twitterific，其實可以設定是否分享自己的位置。

用家點睇
屋企影相要小心

如果真係好唔放心的話，長期關掉手機的「Location Service」就可以一勞永逸。另外，亦要留意自己喺屋企影嘅相有冇Geo-tag，否則被人搵上門都幾麻煩。

感覺似被監視

身邊有朋友用Google Latitude跟男朋友分享自己位置，但如果我要用都唔會長開，因為好似被人長期監視住咁，好冇安全感。

慳番漫遊費用

我試過去到外國，因為唔記得熄GPS，無啦啦Show咗自己間酒店個地圖出嚟，所以依家基本上都唔敢用任何定位服務，免得要額外畀錢。