11/12/2009

播放本新聞相關短片

叻太日誌

平時忙湊仔,好少去中環!响師奶界嚟講,去一次中環,可以返嚟講好耐o架!

每年聖誕例必去逛國際金融中心商場,佢哋今年用咗「夢.飛翔」做主題,成架巨型聖誕飛船空降喺一樓,成三層樓咁高,極盡視覺震撼!由十二月十五日至二十七日期間,每日仲有兩至三場表演,法國著名藝團Les Farfadais會演出高難度特技飛行,專業嘅藝術歌唱家着住巨型靚裙,以甜美嘅歌聲帶領特技藝人响空中載歌載舞,ifc就係ifc!响十二月二十七日或之前,到商場以AE信用卡購物滿$5,000(以單張發票計算),即可獲Kwanpen手製真皮行李牌乙個,以及聖誕抽獎機會乙次,正!

查詢:2295 3308

每次清潔完屋企都一大陣漂白水味,一於跟我個Friend用香薰油嚟消毒家居!

同我個Friend DK Aromatherapy香薰治療顧問Kat Lai飲茶,阿Kat話茶樹、羅文莎樺葉或尤加利嘅香薰油都有殺菌作用,可以用蒸薰法,响屋企或睡房放個香薰爐,啲精華油散發到空氣中,就能達到淨化空氣、殺菌嘅效果!如果好似我咁有小朋友,唔方便點蠟燭,可改用霧化器或電子香薰爐代替,一百至一百五十平方呎室內範圍都有效o架!

提提你:洗完衫過水嗰陣,加入幾滴茶樹香薰油,亦會有殺菌作用。

※注意事項

1.香薰爐切勿接近熱源或火燄。

2.香薰油避免接觸眼睛。

3.香薰油必須稀釋才可用於皮膚上。

4. 孕婦、高血壓、癲癇症或皮膚敏感者,使用前須先諮詢專業人士意見。

5. 香薰油應存放於深色玻璃瓶中,不應放於膠瓶或鐵器皿內,以免產生化學作用而變質。

查詢:2771 2847

有奇遇:見到瑞典公主

早兩日行過沙田Home Square,咁啱L6嘅宜家傢俬沙田分店開幕,舉行咗個盛大開幕典禮,當日仲有舞獅表演,「獅子」隨住鑼鼓聲表演梅花樁及採青,場面盛大,個個都睇得好開心,囝囝仲睇到眼定定添!除咗有極具瑞典色彩嘅傳統鋸木開幕儀式外,IKEA仲請咗瑞典公主H.R.H Princess Birgitta出席兼為舞獅點睛,之後更為沙田分店送上一對極具意頭的對聯「宜家傢俬展新貌,家居布置添精彩」,真係好有心思呀!

查詢:3125 0888

歎極品和牛火鍋

成日湊住囝囝,好耐都冇同老公撐枱腳,收到貓知道帝都酒店推出咗極品和牛火鍋放題,嫩滑嘅和牛以清甜昆布湯灼熟,入口即溶,仲有一系列新鮮日本黑菇、日本金菇,鮮味更濃,啱晒無和牛不歡嘅C6,一於今晚撐枱腳,撇甩囝囝一晚咁多啦!

櫻田日本餐廳

時間:星期一至四 12:00nn至3:00pm 6:00pm至11:00pm

地點:沙田白鶴汀街帝都酒店

查詢:2694 3810

護髮產品好滋潤

成日貪新鮮轉髮型,雖然好靚,但係又電又染,啲頭髮真係好傷。尋日下晝同舊同事蓮氏MSN,佢話天然有機護膚品牌SUKIN出咗樽草本蛋白滋潤頭髮護理產品,成分含有豐富嘅蘆薈、金盞花同洋甘菊,可以修補受損同乾旱嘅頭髮,而水解小麥蛋白會令頭髮更強壯,只要喺濕髮上搽上Treatment,然後等十五分鐘再沖洗就得啦,好方便呀,拿拿聲入貨啦!

查詢:3541 9651

叻太起底

年齡:30以上40未滿

職業:全職家庭主婦

家庭狀況:家有老公及4歲囝囝