「最心痛是，愛得太遲……」莫講話情人可能有天離開，萬事萬物都有機會傷逝，哪怕只是一間食店。自從龍門大酒樓光榮結業，舊式食店可謂買少見少，不想將來後悔「食得太遲」，就要趁老店們仍「健在」時多多幫襯，以免日後望門興嘆。
名家心水
幾許舊食店經歷風霜，至今仍然屹立不倒的，定必有過人之處，可能因為氣氛情懷、食物味道，亦有可能是箇中的獨特文化，以下請來幾位名家，分享各自的心水老店，真想支持就要及時。
屹立六十載 龍門大酒樓
剛於上月底結業的龍門大酒樓，屬老字號中式酒樓，屹立灣仔逾六十年，見證着時代變遷。「龍門」全幢樓高四層，店內店外布置懷舊，自結業消息傳出，即引來大批食客聞風而至，緬懷昔日情懷，店主更特別在酒樓最後結業時，擺下多圍「龍門夜宴」與眾同樂。其實值得懷念的豈止龍門，坊間不少歷史悠久的老店更值得久不久就到訪，誰知道哪一日又會「光榮結業」？
旅遊家紀曉華
推介老店：得如酒樓
「嗰度就好似一個景點，因為今時今日仲有人會帶籠雀去飲茶，好有特色。去酒樓唔止為食咁簡單，你會見到老一輩的飲茶文化，好似收風、傾偈咁，賣嘅仲係一種態度。」
查詢：2388 3884
食評家及文化人歐陽應霽
推介老店：九龍醬園
「醬園出品穩定，產品選擇多，一個月都會幫襯幾次。基本上樣樣都鍾意，但真係要揀的話，個人心水係蕎頭，好百搭，做沙律、配煙三文魚都得。」
查詢：2544 3695
鴛鴦飯店主理人徐蒝
推介老店：蛇王芬飯店
「蛇王芬主打馳名港式中國菜，我不時帶外國朋友去食飯。臘味、生炒糯米飯、蝦子柚皮都好好食，而且真材實料。」
查詢：2543 1032
囍．宴私房菜主理人余健志
推介老店：成發椰子香料有限公司
「經常都幫襯灣仔街市入面啲舖頭，尤其一啲老字號，好似成發椰子咁，賣椰子、香料等，質素好之餘，更有種依家少見的人情味。」
查詢：2572 7725
編輯部熱選 滄海遺珠
美食無分貴賤，只視乎個人口味，所以，無論是一杯蔗汁、涼茶、紅豆冰，抑或一個土產漢堡包，都可以成為生活中的一部分，假如突然有日無得再食實在可惜。
