C6尋晚話公司啲冷氣勁到好似雪房咁，飲啖水都凍冰冰！今日即刻去搜刮靚靚保溫杯。
走去行慣嘅商場作地氈式搜索，見到法國品牌Pylones，佢哋向來以設計色彩繽紛、有趣又實用嘅家品馳名，最新推出嘅冬日產品，主打就係花呢花碌保溫杯，啱晒！其他靚貨都一樣得意趣怪，真係唔錯喎！
查詢：3188 5928
全身水噹噹
雖然有C6同囝囝錫，但我亦有好Dry嘅時刻！咩呀，講緊我啲皮膚咋！澳洲維特護適保梨產品，備有潤膚乳及沐浴露系列，全部經由皮膚科專家精心研配，蘊含最純正嘅植物萃取補濕潤膚成分山梨糖醇及甘油，性質至溫和，能將水分全方位帶到肌膚底層細胞，並強化細胞鎖水能力。最令我放心係產品不含香料及色素，絕不刺激皮膚，酸鹼度更與皮膚補濕層接近，連囝囝都用得呢！
查詢︰2895 9824
特價換易潔廚具
接囝囝放學時途經便利店，發現隔籬屋陳太拎住大大盒廚具，先知依家於OK便利店憑券可以超抵價換購意美廚萬用三件裝易潔廚具，包括平底鍋及雙耳煲連蓋。廚具用咗Dyflon優質不黏物料塗層，堅固耐用，煮食唔黏底，而且清洗容易；特厚鋁底，傳熱快而均勻，省時省燃。換套畀自己，再換套畀叻婆婆，當聖誕禮物都好喎！
推廣期：即日至12月17日
銷售點：指定OK便利店
查詢：2698 9280
溫馨提示：自製鹽水洗鼻
C6鼻敏感成日發作:( 尋日終於要陪佢睇醫生。坊間有好多生理鹽水產品聲稱能有效紓緩鼻敏感，叻太梗係順道問吓醫生意見啦！醫生話生理鹽水的確有效沖走鼻腔內嘅污糟嘢，達到即時紓緩效果，而且生理鹽水仲可以DIY，只要於15ml蒸餾水加幾粒幼鹽，有需要時早晚滴一次就OK，不過病況嚴重嘅話，都係要睇醫生！
囝囝問可唔可以帶佢去見聖誕老人？話明係叻太，當然一口應承。
咁有把握？因為一早Check咗料，知道太古廣場以「Real Christmas Spirit」為布置主題，設計精美嘅聖誕鐘會遍布成個商場，仲專程响美國請咗聖誕老人一哥Ricky Baldwin坐鎮。Ricky擁有經典大肚腩同一把銀白鬈曲嘅真鬚，造型已經攞晒分。不過咪話唔提大家，要購票先可於指定時間同聖誕老人合照o架！
購票日期：12月10日至25日
地點：太古廣場
門票：$60/張（最多四人）
查詢：2844 8988
平平哋寵物美容
好朋友Cally經常幫狗狗扮靚，花費都唔少，於是MSN問我有冇平靚正好介紹？我第一時間覆佢：香港聖公會麥理浩夫人中心「寵愛軒」培訓及實踐中心會舉辦寵物美容服務推廣日，美容師均已完成僱員再培訓課程，仲係專業寵物美容護理證書課程（C/B級）嘅畢業生。除咗提供便宜嘅美容服務外，參加嘅寵物仲可獲贈沖涼試用裝乙支，即日至十二月十三日前預約美容服務，仲可以加碼免費獲焗油服務一次呢！
寵物美容服務推廣日
日期：12月19日
時間：2:00pm至8:00pm
地點：大角咀萬安街 香港聖公會麥理浩夫人中心「寵愛軒」培訓及實踐中心
查詢：2381 8500
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝