自從升呢做咗媽咪後，對於慈善兒童服務特別留意，希望從小培育囝囝有一顆善心。

專售有機童裝嘅natures purest聯同星級曲奇餅店Cookies Quartet舉行聖誕曲奇義賣。natures purest仲為今次義賣設計咗一個小袋子，袋面繡有抱抱熊圖案，內裏盛載六塊由Cookies Quartet提供嘅美味蝴蝶酥。只要去海港城專門店購買呢款聖誕曲奇禮物包，所有收益將撥捐協康會，幫忙有需要兒童。咁有意義嘅事，我第一個支持啦！

Polo Franco啡色手挽皮袋 原價$1,060 特價$790	Vivienne Westwood頸巾　 原價$1,350 特價$599	PIERO GUIDI啡色手袋　 原價$2,090 特價$1,254

查詢：2302 1466

Giorgio Ferri粉紅色鱷魚紋袋　 原價$2,350 特價$1,175	Polo Franco紫色絹銀包　 原價$690 特價$299	Vivienne Westwood金色銀包　 原價$1,290 特價$590

叻太心聲：今晚十卜四奶奶！

終於等到嗰個公仔箱頒獎禮啦！問心，我梗希望視帝係柴九，視后係四奶奶鄧萃雯啦！呢個純粹係個人意願，當然唔足以左右大局，之但係學四奶奶話齋，贏要贏得漂漂亮亮，輸要輸得好好睇睇，鄧萃雯，叻太永遠都係四奶奶幫！

近排周圍都話開倉，次次都人山人海，揀得辛苦之餘仲經常缺貨，搞到好冇癮！

終於畀我搵到個獨一無二嘅「升呢血拚購物團」，今次仲唔買番夠本！快將十五歲嘅名牌手袋專賣店YMK聯同着數網站Jetsotimes首創「升呢血拚購物團」，由「經驗領隊」帶你暢遊專賣店，响指定時間內閂埋門任揀，仲提供免費飲品，十足十啲闊太包場咁，絕對五星級享受。最正係全場貨品優惠低至三折，連最新秋冬系列亦低至半價，唔使交團費，保證成團，起程啦喂！

「升呢血拚購物團」

地　　　點︰ 青衣城215號舖

日期及時間︰12月11日　7:30pm至8:30pm

12月12日 11:00am至12:30nn

12月13日 11:00am至12:30nn

查詢及報名︰www.jetsotimes.com

換2歲天才畫家月曆

囝囝都有少少藝術天分，不過當然唔及澳洲兩歲天才畫家Aelita Andre咁厲害，被譽為「世界十大神童」嘅Aelita，具燦爛奔放嘅獨特畫風，被外國傳媒形容為美國近代抽象表現主義大師Jackson Pollock 嘅再世，荷里活廣場會展出十幅Aelita作品，而佢仲會同家人親自出席開幕禮添！由即日起凡於場內任何兩間舖消費滿$500或以上，再捐$10畀福幼基金會，就可以換領由Aelita設計嘅二○一○年座枱月曆或化妝袋一個，先到先得，換完即止。

換領日期：即日起（月曆）、12月5日起（化妝袋）

換領時間：12:00nn至10:00pm

地　　點：鑽石山荷里活廣場一樓客戶服務中心

查　　詢：2118 8811

無敵大草地嘗美食

位於西貢嘅香港三育書院環境超靚，有無敵海景又有大草地，好多電視劇、電影都喺度攞景，之前套《四葉草》咪喺嗰度拍囉！咁靚嘅地方點可以唔去參觀吓，今個星期日佢哋搞咗個國際美食節，由學生、校友一齊擺攤位，可以試食唔同國家嘅特色美食，真係諗起都流晒口水！唔……聽講呢度係影婚紗相嘅熱門地點，叫老公帶我去影多次婚紗相都好喎！

日期：12月6日

時間：10:00am至3:00pm

地點：西貢清水灣道1111號香港三育書院

查詢：2719 1668

叻太起底

年齡：30以上40未滿

職業：全職家庭主婦

家庭狀況：家有老公及4歲囝囝