兩款新推出的Sennheiser耳筒PX 200-Ⅱ跟PX 100-Ⅱ，對比前作雖然改動不多，但實試下會發現其低音更紮實，音節細位表現清晰，夠晒理由叫Fans畀錢升級。兩者的主要分別是PX 200-Ⅱ採用後端封閉設計，隔音效果較好；而PX 100-Ⅱ則改以後端開放式設計，令音頻反應更闊，而它們同樣可以摺疊收藏，易於攜帶，還有黑、白兩色任揀，配襯上亦見容易。