市場上的iPod喇叭無論外形幾奇特，音色幾出眾，其iPod插座部分依然採用垂直設計，齋聽歌當然冇乜所謂，但在播片時，如果能將iPod打橫放就明顯清晰易睇得多，所以JVC最新的XS-SR3 iPod喇叭，就將插座部分設計成能自由扭動，要直插橫放都冇問題。

插座角度 隨意調校

如果你買iPod喇叭純粹只是為聽歌的話，老實說未必一定要買XS-SR3，但新一代的iPod及iPhone均支援播片功能，當你聽歌聽到悶悶哋，想插部iPod落喇叭播片時，就會發現除非你打側個頭睇，否則畫面得番豆腐潤咁細，勁冇癮。XS-SR1針對此問題，採用扭動式插座，用戶可隨意調校插座角度，想點放就點放。

平時可直插iPhone，方便揀歌，播片時又可以扭動插座將iPhone橫放，睇得更舒服。$990	備有一對直徑4cm及2.5W功率輸出的喇叭，就算將音量開到最大都唔覺拆。	只需輕按Virtual Dolby Surround功能鍵，音效層次感即時豐富起來。
附送三款不同尺寸的插座套，無論是iPod、iPhone或細一個碼的Nano都同樣啱用。

查詢：2732 8220