4.3吋巨芒睇片又清又唔窒，以後連PMP都唔使買！$6,980

新登場4.3吋巨芒 HD2 機界愛鬥大

本文重點

六萬五千色靚芒
處理器速度稱冠
配新版Sense介面
機檔案

男人天生愛鬥大，手瓜要大，行頭要闊，同樣地電子產品屏幕一樣要夠大先有氣勢。手機界巨芒現象由iPhone掀起，之後各廠商都鍾意抽起Keypad，換上有咁大得咁大的Touch芒，好像日前到港的水貨機HTC Touch HD2便坐擁4.3吋超巨屏，配埋1GHz極速CPU，睇片連PMP都要行埋一邊！

芸芸手機廠中，HTC最愛鬥大，以前一部3.8吋芒Touch HD已冠絕手機界，之後還有部Advantage X7510內置五吋超巨芒，可謂大到嚇鬼！今次HD 2略為「收斂」，但屏幕依然有4.3吋大，成功創出Windows Phone屏幕尺寸新紀錄。

六萬五千色靚芒

講大芒Windows Phone，早前就出咗部Toshiba TG-01，而HD 2不但還要大多0.2吋，還加入很多優化技術，例如舊款HD要用Stylus操作，HD2則改用電容式屏幕，先天上已比電阻式屏幕靈敏，而且佢對應Multi-Touch，兩隻手指一拉即可放大相片，反應又夠快，不比iPhone輸蝕。屏幕維持在六萬五千色及WVGA，規格上未算頂級，惟試片所見色彩濃度依然很高，出來效果好睇，唔到你唔服。但建議睇片前先關掉用於省電的光源感應器，避免屏幕時光時暗，無謂睇得咁辛苦。

iPhone嘅3.5吋芒已經唔算細，但拍埋HD2身邊，立即變成小巫見大巫！

電池蓋經過髮絲紋處理，感覺好Grand，但接合位好實，小記打開都覺得費力。

HTC一向不太重視影相功能，歷代手機都冇補光燈，難得HD2放入雙LED閃燈，總算回應了Fans訴求。

HTC一向不太重視影相功能，歷代手機都冇補光燈，難得HD2放入雙LED閃燈，總算回應了Fans訴求。

處理器速度稱冠

手機另一賣點是夠快，上一代用528MHz CPU，感覺好似「拉牛上樹」，今次就升呢使用Qualcomm最新SnapDragon處理器，運行頻率提升至1GHz，加埋512MB ROM及448MB RAM，規格為業界最高。實測所見，它的確解決了WM系統常見的遲滯問題，無論是使用新版Sense介面，將頁面撥左撥右，還是用IE上網、打開Word檔案都極為流暢。手機更對應7.2Mbps HSDPA，可經內置的Wi-Fi路由器把頻寬分享出去，將快感無限延伸。

提供3.5mm耳機插口，聽歌毋須轉插咁麻煩！

巨大的機身嚇怕唔少女性用家，廠商為此將厚度減至11mm，相信可挽回不少分數。

可加裝記憶卡，但要拆蓋先換到，唔夠方便。

配新版Sense介面

大芒機冇咗Keypad，操作就冇咁就手，亦是好多人出機時的重要考慮因素。HD2是首部應用Sense介面的Windows Phone，版面跟以往的TouchFLO 3D類似，繼續分頁式設計，只是由以往的黑白變為全彩色。「分唇」方面，Footprints、People Centric依然有齊，其他新功能包括︰全屏幕天氣預報、Cover Flow播歌介面，並追加了Facebook、Twitter及YouTube等社交網捷徑，隨時緊貼好友動向。另外，HD2應Fans要求加入雙LED補光燈，影相介面亦為此提供閃燈按鍵，稍稍增加了拍攝的靈活性。

內建Wi-Fi Router，方便將3.5G流動寬頻分享畀其他設備使用。	聽歌時橫移機身，唱片封套便會變成並列顯示，好有iPhone Cover Flow影子！	影相介面依然清晰，而且屏幕夠大，四邊就算多幾個Icon都唔怕阻住取景。
可快速開啟Facebook，可惜只是連接到網頁版，介面唔及內置程式咁靚。