聖誕曲奇餅、薑餅人、聖誕蛋糕、聖誕布甸……諗住報名學整！
我對煮嘢食都有啲研究，唔係點做瓣瓣掂叻太？知道循道衞理中心延伸教育服務近嚟開辦咗好多聖誕美食烹飪班，等我靜靜雞學晒，開派對時大顯身手，食到個個嘴舔舔！
聖誕曲奇
內容： 薑餅人、彩曲奇、聖誕樹、荷星星
日期： 12月5日
時間： 2:10pm至5:10pm
聖誕蛋糕
內容： 乾果蛋糕、聖誕樹頭蛋糕、聖誕小蛋糕
日期： 12月19日
時間： 2:10pm至5:10pm
費用： 兩小時：$130（會員）、$190（非會員）
三小時：$160（會員）、$220（非會員）
另材料費：$20至$35
查詢： 2527 2249
邊個話平嘢冇好嘢？
尖沙咀利時商業大廈有手袋開倉店，佢哋專門出口手袋到歐、日，所以會搞長期開倉賣貨辦，款式多到係女人都尖叫，最重要係價錢比市價平一半！
開倉資料
地 點：尖沙咀利時商業大廈十二樓
時 間：星期一至日 12:00nn至9:00pm
付款方法：現金、EPS、購物滿$100或以上可使用信用卡簽賬
查 詢：2301 1328
是日入荷：暖笠笠羊毛底衫3件8折
身為媽咪，最注重家人嘅健康，早幾日氣溫跌破攝氏十度，立即搵番件羊毛底衫畀囝囝着，點知發覺好Tight Fit！睇報紙見到雞仔嘜由即日起，於各門市同百貨公司專櫃，凡買純羊毛保暖內衣或「心膚吸」智能保暖內衣三件或以上，就會有八折優惠，咁鬼抵，買完手袋要直踩去掃貨，仲要買埋老爺、奶奶、阿爸同媽咪嗰件添！
純羊毛內衣系列提供三款厚薄不同嘅羊毛布料，全部採用100%澳洲特幼美麗諾羊毛，具防縮、防蛀功能，最方便係可以機洗（四十度以下水溫）。
查詢：2423 0611
提提你：店員同我講，如果去買嘢最好先打電話確定係咪營業，因為有時遇啱公司要見客就Close啦！
八卦到有手袋開倉，今日一於帶齊$$去血拚，係女人都要有個似樣嘅手袋看門口嘛！
叻太起底
年齡：30以上40未滿
職業：全職家庭主婦
家庭狀況：家有老公及4歲囝囝