自從身邊朋友榮升父母後，每個星期日都自動變成「家庭日」。難得可以放低工作、功課，全家休息一日，好應該由瞓醒歎Sunday Brunch開始，品嘗滿枱和風美食，細路仔仲有玩具、畫簿「助興」，好開心呀！

人氣極盛的Sunday Brunch，讓大家瞓到飽先食，感覺悠閒，而中環Zuma推出的Sunday Brunch，更連小朋友都照顧周到，可以任食任玩，家長毋須為揀地點開餐而頭痛。

串燒（前）日式炸雞（後）師傅在攤位準備多款串燒，Aimee最喜歡圓圓的紫蘇雞肉丸，食個不停，醬燒雞翼則燒得外脆內嫩。日式炸雞選用雞髀肉，特別鮮嫩。	麥麵豉醬燒春雞（前）炭燒豬腩肉伴青瓜沙拉（後）法國春雞肉汁豐富又鮮嫩，以麥麵豉醬醃過後，先燒後焗；豬腩肉則以爐端燒方式炮製，絲毫不覺膩滯。	明太子醬烏冬麵 客人可從六道主菜中任選一款，味淡軟滑的烏冬，跟微辣惹味的明太子形成對比。

飽嘗美味和食

唔少小朋友一埋餐枱，就會變身「小魔怪」，坐唔定或者唔肯食。來到Zuma，只要拖住仔女去Buffet枱行一轉，眼見放滿壽司卷物、刺身、串燒、煮物、生蠔、豆腐、沙律及冷麵等，肯定都好想乖乖食飯。大人更可從餐牌上挑選主菜，配合任飲的香檳及清酒，盡享悠閒時光。Brunch尾聲還會以每枱一客的甜品拼盤作結，賣相精緻得令小朋友尖叫。

小朋友可獲小畫簿及顏色筆，發揮藝術天分。	放大圖片	餐廳一隅放滿小朋友的至愛玩具，齊齊玩到癲。

畫畫發揮天分

為照顧小朋友，餐廳其中一隅放滿小朋友的至愛玩具，像火車頭小帳幕、保齡球、車仔及鋼片琴等，而每位來到的小朋友，亦會獲得小畫簿及顏色筆，盡情發揮藝術天分。揭開小畫簿內頁，更可看到兒童餐餐單，選擇有烏冬麵、飯及天婦羅等，每位只需一百九十八元（另設加一服務費）。

一家人趁星期天，放低工作、功課，瞓餐飽再食Sunday Brunch，超歎！	自助餐枱上，擺滿壽司卷物、刺身、串燒、煮物、生蠔、豆腐、沙律及冷麵等，十歲以下小朋友（每位成人帶一位小童）可免費品嘗。	放大圖片

供應時間：逢星期日11:00am-3:00pm

收　　費：每位$550（包任飲香檳及清酒）、每位$428（不包括飲品）、10歲以下兒童免費（只限品嘗自助餐食物，每位成人可帶同一位兒童），另設兒童餐每位$198。

*另加一服務費

查詢：3657 6388