置業是大部分港人的夢想，鄧麗欣（Stephy）近日落訂香港仔南灣御園的一手單位，但是否購買還是十五十六。究竟Stephy幾時可以升呢做業主？

想知道業主運強或弱，面相中首要留意田宅宮。田宅宮位處眉眼之間，若然眉眼相距甚闊，一生都有物業運，黃震宇師傅指出：「Stephy眉高於眼，田宅宮高闊，而且雙眼有神，不但能順利做業主，而且住的都是豪宅。」

額角靚 有田有地

其次要看額角，即額頭兩邊位置，自古有云「額方而廣，有田有莊」，即現今的有樓有物業，尤其容易在三十歲前升呢做業主。「Stephy的額角高闊開揚，加上整個額頭飽滿，工作易得賞識，上位搵錢自然快人一步。」黃師傅說。此外，地角亦好緊要，地角即下巴兩邊，四方或圓潤飽滿都為靚地角，黃師傅解釋：「Stephy雖然瓜子口面，細看其實下巴略平，靚地角標準合乎一半呀！」