等咗咁多年，任天堂終於在香港舉行發布會，而見面禮就係十二月十二日推出的《Wii Sports Resort》中文版連Wii主機套裝，開價$1,799，算幾平，但係想買淨遊戲的話就要再等多一陣。

商場搞體驗會

中文版遊戲內容跟日版一模一樣，同樣係置身於南國Resort內玩十二種刺激的運動遊戲，更可配搭「Wii Motion Plus」感應器使用，體感動作更加細緻。十二種運動中雖然有少部分翻炒初代《Wii Sports》，不過新增的「擊劍」、「翱翔天空」同「射箭」都幾好玩。為配合中文版遊戲推出，香港任天堂亦會在遊戲發售的首個星期，於海港城搞遊戲體驗會，到時大家就可以親身試玩！除今次推出中文版《Wii Sports Resort》外，任天堂亦會將嚟緊十二月在日本發售的《Wii Fit Plus》中文化，預計農曆新年前就會面世，睇嚟任天堂都開始重視香港同台灣市場啦！

遊戲內設有十二種運動項目，全以中文介面顯示。	配合Wii Motion Plus感應器，動作表現更細緻。	十二月十二日會推出連遊戲的主機同綑套裝，售價$1,799。

查詢：www.nintendo.com.hk