偶然聽到兩個阿婆閒聊，覺得好笑又驚嚇，原話照錄：

「上次阿嫂同佢老公返鄉下，阿嫂要停站去廁所，佢話見到地下有張銀紙，以為好運啦，想執返屋企，點知走近睇清楚，至知係陰司紙，嚇了一跳。」

「一張定一疊呀？」

「零零舍舍得一張呀，阿嫂返去見佢阿媽，突然行唔到喎，佢老公咪同佢睇醫生，點知搵唔到原因，不過扶住就開始慢慢行到。住了幾日返香港，中途又停在那處去廁所，阿嫂再見到張陰司紙，好似係同一張，佢望多兩望，突然又行到啦！」

「咁神奇？」

「佢不知幾開心，連忙將『丫叉』拿回舖頭，收番八十幾蚊人仔，佢老公買『丫叉』畀佢行路，行到咪賣番畀舖頭囉！」

「佢撞鬼咩？」

「我點鬼知，總之以後係荒山野嶺，見到地下有錢都唔好望啦！」

「呀，你棚牙無以前咁靚，好耐無整牙咩！」

「點止棚牙無咁靚，人老，度度都唔靚啦，重講棚牙靚唔靚做咩呢？」

前一段真人真事信不信由你，最後一句就不由你不信。人老了，整張臉如坍塌了似的，再說明眸皓齒，就是自欺欺人了。

我沒有細看兩個阿婆的容貌，以免太早聯想起「他朝君體也相同」啊！