最多人用嘅Facebook功能係咩？種菜？養寵物？當然唔係！其實係好似Twitter用家咁，不時更新個人「狀態」，或者分享連結、Post相片，隨時畀朋友知道What are you doing！既然最近大家都咁鍾意用Twitter、Facebook等社交網站，INQ Mini 3G就加入Twitter程式，等大家升呢做Social King！

去年推出的INQ1，因為原生支援Facebook程式，再加上主打年輕人的特別包裝和介面設計，所以一出就奪得幾個世界大獎。今年Twitter大熱，甚至連公眾人物都利用Twitter夠短夠方便的好處，簡單分享自己的心情或行蹤，於是INQ亦順勢推出新機Mini 3G迎合潮流。

機側的旋轉按鍵方便用家切換到不同的社交程式。	機背備有二百萬像素鏡頭，影完相可即時Upload上Facebook。	支援最高8GB microSD記憶卡。

一Click即上社交網站

自首部INQ1開始，手機就加入了社交網站程式，好像早前的Facebook及最新加入的Twitter。INQ Mini 3G的主頁有好多不同社區網絡的快捷鍵，亦可在背景實時更新，方便用家緊貼追蹤朋友的最新動向。Twitter程式的介面和手機版的Twitter網頁相似，主頁會見到自己及正在Follow的Tweets，如果Tweets附有相片或者連結，只要對着Tweet一Click，就會自動開啟瀏覽器；想自己寫Tweet，則可Click入介面頂部的「What are you doing」，不過INQ Mini 3G暫時未能支援在寫Tweet時加入相片及Video，有點失色。

另外，INQ Mini 3G加入了「ProHuman」設計概念，引入綜合電話簿及訊息功能。用家只要在手機登入Facebook，就可以選擇將Facebook的朋友資料同步儲存至手機電話簿內，方便在電話簿中隨時透過短訊、電話或是Facebook Message聯絡，而且好友的狀態更新亦會在電話簿中顯示。

主頁已有不同社區網站程式連結，一按即玩。	Facebook程式可以設定更新時間，以及在漫遊時暫停同步更新。	Twitter介面可看見自己及正在Follow的用戶更新。
綜合電話簿功能，可將Skype及Facebook的通訊錄同步更新。	INQ Mini 3G的功能表加入了新的圖片，有別於一般手機。

換殼轉色出機$733

INQ Mini 3G的包裝有別於一般手機，好像說明書便用上像塔羅牌般的設計，每張都有不同Design，而且手機內亦有INQ Hub，方便即時瀏覽說明書及下載適合INQ Mini 3G的程式。雖然外表看來跟普通直身機冇分別，但其實機背可以換殼，跟機的紅色也夠搶眼，另外亦有七種顏色選擇。除了Social功能，手機的其他規格都較入門，好像支援3.6Mbps HSDPA、二百萬像素相機鏡頭等，不過手機可以隨時當USB Modem使用，筆電用家出街上網就更加方便。最重要係INQ Mini 3G的機價只需$233，加埋$500預繳，一千蚊唔使就可以做Social王，抵玩！

放大圖片	INQ Mini 3G可以換殼，除了出機時跟機的紅色殼外，簽約出機亦可揀多一款顏色。

月費$88夠抵用

INQ Mini 3G唔單止機價平，月費更只需$88，已包括100MB本地數據，1,000分鐘基本通話及200分鐘心連心通話，其後數據收費每30MB/$10，收費上限為$290。用家亦可以每月$20選用「Social Unlimited」或「Buddy Unlimited」月費，額外多50MB數據用量之餘，選用「Social Unlimited」的用家還可使用Skype功能，及透過3Xplorer任用Twitter、Facebook及YouTube功能；而參加了「Buddy Unlimted」計劃的朋友，在使用3messenger、MMS Mail及3gmail服務時，則可免收數據費用，唔使下下就住就住，相當抵玩。

機檔案

制　　式：UMTS 2100、GSM三頻

屏　　幕：2.2吋26萬色TFT/240×320解像度

記　憶　體：內置100MB、支援 microSD記憶卡

對外連接：USB2.0、藍芽2.0、3.6Mbps HSDPA

其　　他：200萬像素鏡頭、支援Widget功能、內置Twitter及Facebook程式

通話時間：160分鐘

備用時間：285小時

體　　積：102.9×45.8×12.8mm

查詢：3162 8888