新鮮出爐嘅《FIFA 10》，除改善咗實戰系統外，仲加入埋Virtual Pro模式，讓自創嘅球員從比賽中吸取經驗值增加能力，亦可在連線對打時使用。至於新增嘅組隊模式，可以預先登記五十位朋友組隊打地區聯賽，一人控制一個球員作賽，好容易就湊夠腳開波。同時《FIFA 10》亦加入大量球員嘅精彩動作，要使出C朗嘅後腳轉方向或者白蘭高嘅夾波絕技都唔太困難，而且電腦AI提升咗唔少，甚有挑戰性。

新增玩球員育成嘅Virtual Pro模式，在單機同連線比賽中都可以不斷升呢。	入球後更一如以往可「Chok」出唔同嘅慶祝方式，但照計就冇多哥球王疾走全場嘅表演喇。	球員樣貌、小動作同球衣都非常逼真，好似巴塞中場沙維（Xavi）更似足真人。
玩家可以在Practice Arena中慢慢練，想自創罰球戰術都冇難度。	實戰系統做得更真實，隊友走到空位更會揮手示意。