廣告界捧紅咗唔少o靚模：邦民女、豐胸女、Canon日本妹，打開報紙每日都會見到幾個，雖然班o靚模多到連小記都認唔晒，但新臉孔總能帶給我們驚喜，好似Canon新系列PIXMA打印機就搵來混血兒Jessica，陪阿葛大賣Smart Home智能打印概念，又睇吓部PIXMA MP996新機有幾Smart！

PIXMA MP996 無線六色印相

作為Smart Home系列旗艦機種，PIXMA MP996備有同級最高的一微微升9,600×2,400dpi解像度，為了令多合一打印機達到專業印相水準，更在傳統五色墨盒上，加入相片灰色墨增加色域和層次感，小記現場肉眼睇印出來的A4或黑白照片，比起曬相舖靚幾倍。而機身4,800×9,600 CCD掃描器仲內置菲林燈箱，可直接將正負片存入電腦，啱晒攝影發燒友使用。為迎合數碼家居熱潮，PIXMA MP996除了內置LAN和讀卡器外，同時支援Wi-Fi共享功能，只需利用機身按鍵和360°旋轉操控盤，便可完成無線網絡設定，畀屋企不同的電腦及流動裝置齊齊印相。

PIXMA新女Jessica	執相前	執相後
內置Wi-Fi無線網絡功能，就算部機擺在睡房電腦旁，客廳部Notebook一樣可無線印相。	揭開機頂的掃描器，便可見到隱藏的燈箱，方便將正負片數碼化存入電腦。	傳統多合一打印機得五色墨盒，今次PIXMA MP996加入相片灰色墨來提升打印質素。

Auto Photo Fix II 智能局部修正

讚得佢Smart當然唔止印得靚咁簡單，今次新機聰明到識得自己執相，透過Auto Photo Fix II區域局部曝光修正功能，將人像、場景、偏色、曝光等情況分析調校後，再針對偏暗或曝光過度的位置進行局部修正，唔似得《ACDSee》等軟件「Auto」執相時，一推就全張相曝晒或前暗後光。現場仲用Auto Photo Fix II列印阿葛張試相，主體被推光之餘，背景都能保持原有色調，達到最佳打印效果。

Step1 同阿葛影完相，插張記憶卡入PIXMA，唔使經電腦就可印靚相。	Step2 利用機身按鍵和360°旋轉操控盤，便可預覽相片、選擇款式和自動執相。	Step3 影到阿葛面燶燶，好彩Auto Photo Fix II會自動將主體調光，即時靚仔番晒。

PIXMA MP648 智能多合一

雖然PIXMA MP996掃描印相都咁勁，但要二千多元確係貴咗少少，想平玩Smart Home智能打印的話，同系列另有PIXMA MP648多合一型號，無論外表和操控功能都與旗艦級PIXMA MP996差唔多， 有齊讀卡器、Wi-Fi共享打印、局部執相等功能，只不過PIXMA MP648改回五色獨立墨盒、CIS掃描器和三吋細芒，更覺慳家實用。

中階Wi-Fi多合一打印機PIXMA MP648，同樣支援Auto Photo Fix II執相功能。　$1,688	一微微升究竟有幾細? 記者會當日特別設有電子顯微鏡，比較PIXMA與其他品牌的打印墨滴。	Canon香港董事長及行政總裁小林一忠先生（中）為Smart Home打印系列揭幕。

機檔案

型　　號：PIXMA MP996

打印技術：1微微升9,600×2,400dpi六色打印

打印速度：每分鐘11.9張（黑白）每分鐘9.1張（彩色）約40秒（A4相片）

掃描技術：4,800×9,600dpi CCD

顯　示　屏：3.8吋LCD

其　　他：Wi-Fi、LAN、USB 2.0、記憶卡插槽、燈箱

尺　　寸：470×385×199mm

查詢：3191 2333