輕薄版PS3 Slim近期可謂熱爆全城，皆因香港是全球首賣的第一站，吸引粉絲們大排長龍掃新機，而有幸成為全球首位買家的Andrew，更早於前一晚已通宵輪候。為隆重其事，Sony Computer Entertainment（SCE）特別請來五十位Game Girls巡遊銅鑼灣給在場人士打氣，連SCE亞洲總裁安田哲彥先生都親臨香港，主持新機首賣儀式，同時日本亦會於今日（九月三日）正式開售，行貨價$2,399就有部輕薄型格PS3，確係比舊版更加抵玩。

現場有五十位Game Girls為排隊人士打氣，傍晚時仲列隊巡遊銅鑼灣，聲勢浩大。	首賣前夕，SCE亞洲總裁安田哲彥先生乘坐林寶堅尼，運送首部新PS3到現場主持倒數禮。	全球首位新PS3買家Andrew，佢話鍾意PS3可以打機兼睇藍光碟，夠多功能。
SCEH總經理項明生表示，今次首賣會二百個名額火速爆滿，證明巿民消費信心增強，期望新PS3能帶動遊戲、配件和藍光碟的銷售。