香港人，有誰不愛吃日本菜？有！一個叫劉家聰，一個叫何卓瑩（Angel）。兩個大膽狂徒，恃着近期跟影后鮑姐學煮餸日子有功，竟然嫌街外日本菜多油、肥膩兼頂胃！如此口出狂言，今勻一於「的」佢哋去新張的「善膳」和「玄拉麵」，食過天然健康的碗飯和拉麵，睇吓你哋仲有冇聲出？

飲食節目向來受電視觀眾歡迎，有份主持《開心大發現》的Angel和家聰也表示，節目內的烹飪部分是他們的最愛，Angel說：「平日都會在家煮兩味，在節目中學到不少烹飪的『秘密武器』，回家試過真係Work！」家聰就最記得做凍豆腐的秘技：「在雪凍豆腐前，先以熱鹽水浸泡一下板豆腐，就可縮短豆腐冷藏的時間，成品還更加綿細有層次。」不過對廚藝沒甚天分的他，還是選擇上館子吧！試過近日新張的「善膳」，便立即成為心頭好。

善膳櫃枱前的偌大玻璃櫃，放着各款碗飯及定食選擇，讓食客一目了然。

放大圖片

改良碗飯 健康行先

家聰自言是個吃得健康的人，媽媽會以糙米做飯，而且少油少鹽、多菜少肉。位於海港城內的「善膳」主打日本碗飯（丼ぶリ），據說這是從懷石料理裏其中一道菜「止皿」處演變而來，以碗盛着米飯，面層鋪上各種材料。傳統的「玉子丼」、「親子丼」等大家不會陌生，善膳則走「健康碗飯」路線。負責人稱，總廚增子雄一之所以設計健康碗飯，乃為配合香港人講求健康的口味，故此無論豬肉丼、雞肉丼等均附上大量蔬菜，定食、套餐等又有高纖甘平牛蒡作配菜；米粒則選用從日本進口「越之光」白米，及日本種錦字糙米等。為遷就附近OL顧客的胃口，店子的碗飯亦比傳統的較小，分量剛好不浪費，之不過自稱飯桶的Angel笑稱要吃兩碗才夠飽！

香煎豆腐雞肉漢堡碗飯套餐 $36 較瘦的雞胸肉剁碎後，以四六比例混合滑豆腐製成漢堡，沒有傳統漢堡扒的油膩，卻帶幾分豆香。	滑蛋豬扒碗飯套餐 $48 傳統碗飯都做得有質素，豬扒炸得出色，逼出油分、保留肉香，滑蛋甜甜的，真可口。	食店供應三款米飯讓食客自行選擇，如（前至後）三文魚飯、白飯及糙米飯，並會不時更換款式。

同場加映：玄拉麵 玄門正宗

在日本，每間麵館都研究具自家特色的拉麵，漸漸發展成為多個門派，其中主張純天然烹調法的「玄派系」，始創人田中玄師傅似哲學家多過似廚師，他認為吃天然的食物能夠啟發思維，因此他只用天然食材，像拉麵的野菜高湯底，用上多種蔬菜熬製而成，甜味並不來自沙糖，而是紅蘿蔔及其他具甜味的蔬菜。最近，玄拉麵落戶香港，由玄師傅的入室弟子主理，並由日本直接入口五款湯底的濃湯包，到港後以獨門上湯稀釋再供應，加上三款自家研製的麵條，麵條的粗幼和吸濕程度與湯底互相配合，吃時不妨將湯底一喝而盡，細嘗精華所在。

日式野菜高湯拉麵$52 以多種蔬菜熬成的高湯，出奇地清甜可口，沒有草腥味，加入淮山絲、蓮藕片、菠菜等配料，是難得一見的全素拉麵。

鹽味叉燒湯拉麵 $48 取自日本的「天日鹽」據說不含礦物質，以之煮成的湯底夠清，喝完都不會口渴。

正宗又要「迎合口味」？

拉麵、碗飯都是特色日本料理，一家食店既然標榜「玄門正宗」，又何需以「迎合香港人口味」作理由，碗飯以定食形式供應，拉麵又要加小食做套餐？我就是有種「包拗頸」的堅持，下次幫襯一定會單點一碗高湯拉麵，由麵條到湯底都要細細品嘗，唔使問我「加唔加三蚊要多個小食」呀吓，唔該！

查詢：2375 8222