相隔十年，終於等到《風雲Ⅱ》現身！雖然套戲年底先上，但Enterbay已急不及將電影角色造成十二吋Figure，除了新角色絕無神（任達華飾）和絕心（謝霆鋒飾）外，主角步驚雲（郭富城飾）和聶風（鄭伊健飾）更是首度曝光，請來韓國頭雕師花了數月炮製而成，唔怪得鄭伊健做得咁似。除此之外，由於關節和頭部用晒Ball Joint，移動性有番咁上下，加上每款角色附送多款手掌配件，想出排雲掌或風神腿都輕鬆搞掂，最正係連破布盔甲都做得勁仔細，風雲粉絲難以抗拒！稍後仲有「入魔」版紅眼聶風和無名兩款Figure登場，如想親身欣賞的話，可於本月三十一日前到荃灣廣場「天下回顧20年展」，還可即場以優惠價預訂呢！

絕無神VS任達華評語：成個任達華咁款，仲送埋面罩盔甲，咁多款最難雕就係佢。相似度 98%	絕心VS謝霆鋒評語：側面最似，同樣有盔甲披肩，以及四隻手掌替換。相似度 95%	聶風VS鄭伊健評語：個樣真係冧死女，聽聞仲有款「入魔」特別版，密切留意！相似度 99%

步驚雲VS郭富城評語：雖然個鼻大了少許，但服飾勁仔細，連破布都做到足。相似度 90%	單係步驚雲隻手掌就有五款更換，出排雲掌或揮劍都好Easy，只不過麒麟臂紋身仲未有喎。	珍藏刀劍兵器套裝，有齊絕世好劍、雪飲刀、火麟劍等。售價$480

查詢：5109 0054