幾時會出《Halo 4》？睇怕都唔係呢一、兩年嘅事，不過早幾日《Halo》系列製作團隊就帶咗下個月推出嘅《Halo 3》前傳《Halo 3：ODST》到港同大家見吓面。雖然同屬前傳，《Halo 3：ODST》就冇用高薪邀請兩位影帝，反而今集一開始就由Master Chief「降呢」做特別部隊ODST嘅兵仔，仲要摸黑打敵人。不過好在今集合共提供咗二十四張多人模式地圖，另外仲加多咗個殺極都停唔到手嘅「Firefight」四人模式，有排煲！

夜視鏡敵人冇得匿

今集《Halo 3：ODST》遊戲時間設定在《Halo 3》之前，而故事主角亦唔再係Master Chief，而係落在一支特種部隊ODST（Orbital Drop Shock Trooper）身上。故事一開始，這支空降部隊就被迫降在New Mombasa，身為兵仔嘅玩家要從多角色多支線發展上，拼貼出星盟襲擊這處的目的以及如何擊退他們。玩家一落場就要摸黑打敵人，好在今集新加了一個能夠偵測敵人嘅視覺模式，原理似戴咗夜視鏡，敵人會以紅線綑邊，要打中敵人甚至Head Shot都容易好多。

動畫片《Halo Legends》好有東洋味？冇錯，暫定收錄嘅七個故事全數交由日本動畫公司製作。	二揪一仲要有車坐，似乎唔多公平喎！	唔好睇少女機迷Kali弱質纖纖，玩FPS遊戲確有一手，舊年打《GOW2》比賽拎咗香港區亞軍，佢覺得《Halo》系列要求高，加上可邊跳邊射，帶來其他同類遊戲無可比擬的快感！
Curtis仲即席同女機迷Kali及兩名Xbox 同事打咗場「Firefight」友誼賽。	夜晚開戰都冇有怕，可以先開着夜視鏡，敵人會被紅線框住，瞄準都容易好多。

Firefight愈打愈難

但講到最正都係新加入嘅「Firefight」四人合作模式，四個玩家會同時扮演ODST成員不斷殲滅敵人，而且只要仲有命嘅話，遊戲難度會隨住時間逐級逐級提升，愈打愈難，但就愈好玩；不過組隊時最好搵埋Level接近嘅朋友先好打，唔係會玩得幾冇癮。《Halo 3：ODST》定於九月二十二日推出，屆時會用上中文介面同中文字幕，在九月十六日前預訂加購買Xbox 360指定配件，仲有MS Point同特別角色下載卡送，要訂就趁早。

Halo Global Marketing Director Chad Hodge都有好嘢帶畀大家，就係率先預覽明年先至會在Xbox Live推出嘅動畫片《Halo Legends》。	《Halo 3： ODST》首席遊戲製作人Curtis Creamer今趟巡迴亞洲周圍撩人打。	如果想用特別角色Sgt. Johnson打「Firefight」，要先預訂兼購買指定配件，就有得送「Sgt. Johnson」下載卡同500點MS Point。

三幅全新多人模式地圖

射擊遊戲最重要都係連線模式要做得好，今集《Halo 3: ODST》就沿用廿一幅《Halo 3》嘅多人模式地圖，另外再加多三幅新地圖，分別係要塞（Citadel）、異教徒（Herectic）同沿岸（Longshore），算係有做到功課。

沿岸（Longshore）既擁有室外及室內環境，可在建築物中穿插及跳上空中走廊行捷徑，大規模廝殺或者打埋身戰都一樣適合。	異教徒（Herectic）用番《Halo 2》嘅「船中央」版圖，地圖設計較簡單，但亦好考玩家戰略部署嘅能力。	要塞（Citadel）版圖中雖包含兩個基地，但空間狹小，容易被對手伏擊，適合鍾意打CQB（Close Quarters Battle）嘅玩家。

機檔案

類　　型：射擊

開　　發：Bungie

平　　台：Xbox 360

推出日期：九月二十二日

售　　價：$309

查　　詢：800 964 215