時值盛夏，七彩繽紛的家品「色」相誘人，成為夏日至養眼的家衣裳。新人高曉彤（Ines）最近發現一家充滿個性的小店，大賣荷蘭、丹麥生活家品，小小家品帶來大大的驚喜，加上色彩強烈耀眼，置於蝸居成功「攞彩」！

網上電台扮靚節目主持人Ines，近日閒逛中環發現一間幫屋企扮靚的小店「Allure Living」，更形容是開心大發現！明查暗訪之下，得知該店主攻荷蘭、丹麥家品，背後揸Fit人是幾位香港人，有的是室內設計師、有的是採購員，對家居布置別具慧眼，冇創意、欠驚喜的都不會上架，難怪店如其名，吸引力十足！

好色之選

來自風車國、設計味濃厚的「Present Time」、專出產變種膠鴨的「bud」，都成為店中主打，各位好「色」之士要高度注視！另外，店方在即將來臨的秋冬會大刀闊斧引進優雅行頭、深色調子家品，緊貼時令換新裝。

荷蘭鴨仔bud專門整「色」整水，彩格、白雲、花與蝴蝶，絕對「Duck」人鍾意！大 $88/隻、小 $128/3隻	習舞者不時將芭蕾鞋吊掛肩上，Present Time口水肩從中偷師，夠晒搞鬼。$160	木製兒童搖搖椅，叫大人也想返老還童要一張。$450/件
遠看似陶瓷花瓶，原來由軟膠製造，任你搓圓按扁！$480/件	識「變臉」公仔，既是可愛黑妹，又扮相撲手。$70	Dot柄貴婦狗兒童被$170

Present Time相簿連封面也可放靚相，一舊雲、蝴蝶圖案勁有大自然Feel。$210/件

兔仔、牛牛、綿羊，真身是牆壁貼紙，蝸居頓變七彩農場。$105/6件

型格之選

各位型人，這裏不少家品都將風馬牛不相及的東西連結，估佢唔到又夠型，啱晒你哋口味。餐具居然充當時鐘，茶具上有塊黑板，蝸居有它們座鎮，生活不再刻板！

茶具上有小黑板，大可寫上是日靚茶、杯子誰屬等。 茶壺$180、茶杯連碟 $156/4隻

小心地上一攤水！原來是水滴形地氈。$195

掛牆鐘由匙羹、叉子拼湊成，叫人時刻都想開大餐。$390

將相架、記事功能融為一體，過癮又慳位。$280

高曉彤Profile

曾參與電影《大丈夫2》、《生日快樂》等，亦曾拍攝電視廣告包括禁煙廣告、中國銀行（澳門）、宜家傢俬，現為網上電台「潮頻道」節目主持。

撐住呀!

八月份有好多朋友生日，送生日禮物，小記一向偏好創意家品，起碼睇得又用得。該店就有許多「送禮自用皆宜」的小物，Soooooo Good！不過，作為家庭版記者，見過不少家品小店因為生意關係要跟風，於是愈賣愈「雜」，漸漸失去個性，衷心希望你哋撐得住呀！

查詢：2153 1022