Q：何解壓縮氣體勿放車廂？

A：理由好簡單，因為有機會爆炸！凡係壓縮氣體樽，包括清潔劑、地氈水或雪種等，如果放喺車廂，又喺露天泊車，仲有太陽直射，當外間溫度高達攝氏三十度過外時，車廂溫度可以高達七十幾度。而一般嘅壓縮氣體樽都要存放於21.1℃以下，可以承受嘅大氣絕對壓力數值為275kpa；當溫度升至54.4℃，壓力數值就會去到715kpa，出事機會自然高。