流動寬頻日見普及，但下下要帶支手指出街，的確唔方便。有見及此，數碼通日前推出全新Netbook Vitesse，內置7.2Mbps流動寬頻，上網毋須再手指指。最正是提供零機價月費計劃，每月低至$173便可隨處網遊。

輕巧機身 插SIM即上

Netbook內置3.5G模組絕非新科技，ASUS、MSI及Metalware都有玩過，但由網絡商自家推出，Vitesse卻是第一部。Vitesse在法文有「快速」之意，用來表達上網速度頗貼切，因為它支援7.2Mbps下載及5.76Mbps上載，一般上網應用相信足夠有餘。此外，Vitesse沒有SIM卡鎖，換句話說，它容許插入其他網絡商的SIM卡上網，用家選擇更有彈性。機身方面，Vitesse採用鋼琴焗漆機面配黑色內櫳，一黑一白形成強烈對比，最薄處只有23mm，重量也不過1kg，比起很多同尺寸Netbook輕身得多。

機身只有一毫子咁厚，夠晒纖薄。	火牛採用一體化設計，的骰唔累贅，至啱帶出街用。	內置HSPA模組，可更換其他台的3.5G SIM卡上網。

16GB SSD 容量太細

硬件規格方面，Vitesse跟一般10吋Netbook的最大分別，是配備16GB MLC SSD硬碟，雖然較快較省電，但容量只是標準160GB硬碟的十分之一，相信要自加SD卡來擴充儲存，好在3-Cell電池卻可捱到四小時，算是長氣。收費方面，Vitesse除可直接以零售價購買外，還可跟「隨身寬頻」月費合約計劃以零機價出機，即預繳$3,480及簽約使用$318的月費計劃二十四個月，在扣除每期回贈$145後，實際每月$173便可無限上網，計番條數比同台USB Modem每月$188仲要抵玩。

查詢︰2281 8888